How to do a natural "no make up "look.

how to choose the suitable foundation  for your skin

extra tips :p

اليوم الموضوع ممتع  عالأقل بالنسبة ليي ، لأنو متعلق بالمكياج طبعا وهذا احد هواياتي وشغفي ! بنتكلم عن الفاونديشن المناسب لكل بشرة وكيف نحصل على لوك "النو ميكب " يعني ماكأنك حاطه مكياج. وبنضيف بعض النصايح المفيده ونقترح بعض الفاونديشنات الجميلة ..

كيف أختار الفاونديشن المناسب لي ؟ 

مهمة ممكن تكون صعبة للجميع وللحين مااقدر اقول اني وجدت الفاونديشن اللي يرضيني او ممكن اكون شبه راضيه عن المنتجات .

انا ممكن انصح البنت تاخد فاونديشن من ماركات غاليه جدا وتاخد الاشياء الثانيه  مثل الشادو والخ من ماركات ثانية ارخص  بس بصراحة  بعض الماركات هيه نفسها توفر منتجات للطبقةعالية واللي عندها فلوس وتوفر منتجات بااسم ثاني للطبقه عاديه ! مثال عليها منتجات كلينيك هي نفسها جونسن او جارنييه ! وهكذا لبقية المنتجات .. فلا احد يغشكم او تعتقدي انو ياريت عندي فلوس عشان اشتري المنتج الفلاني لان اكيد في البديل والذكية  هي اللي تعرف تكون جميلة وبحسب ميزانيتها :)

نجي للكلام المفيد ! كيف اعرف سحنتي او لون بشرتي ، مهم نعرف ان الفاونديشن مو غرضه التبييض --" غرضه توحيد اللون وإضفاء نضارة عالوجه لهذا تجنبي  كريمات الاساس الفاتحة جدا لانو بتنعكس على مظهرك بشكل سلبي وتعطي بهتان وطبقه طحينية شادة !

على حسب كلام الخبراء في هالموضوع وده الكلام مقتبس ان الاندر تون   ثلاثة انواع وتحدد عن طريق باطن ساعد اليد  بالنظر للون العروق .

قسموها لثلاثه اقسام ( باردة - دافئة ـ محايدة ) 

- لون العروق أزرق إذن الاندر تون بارد  يعني وردي 

-لون العروق أخضر إذن الاندر تون دافئ يعني أصفر

- لون العروق أزرق وأخضر معا  إذن  اللون محايد يعني تستخدم اي لون 

للتوضيح اكثر الاندرتون الاصفر او الدافئ  ينسابها الالوان الترابية  وهي معروفه "بني / اصفر / برتقالي/ كريمي /احمر غامق/ مشمشي/ذهبي/ أخضر )

اما الباردة او الوردي  غالبا يناسبها "احمر/ ازرق/ بنفسجي/ وردي/فضي / اخضر / زمردي/ ابيض/ أسود "

حتى باختيارك للملابس ممكن تلاحظي ان الاحمرالغامق مثلا يلبق لك اكثر من الازرق  وهلم جرا :)

الحين نجي للكيف اختار ؟

حطي في بالك اشياء كثيرة /هل الفاونديشن يناسب الاستعمال اليومي / تحتاجي طبقة كثيفه ؟ متى تحطي المكياج عادة بالنهار ؟ او للسهرات فقط!كيف الجو عندكم ؟ وكم مستعده تدفعي ؟ /تغطية تدوم ساعات او تقزيرة ساعتين

في الصورة لماركات استخدمتها من اليسار natio/maybeline/aveeno/givenchy 

عن نفسي مااحط يوميا /بشرتي دهنية /مافيها عيوب حاليا ولله الحمد 

الثلاثة الاولى استخدمها للطلعة عادية  والاثنين الاخيريين للسهرة ! 

طبعا كلهم حبيتهم كتغطية ولون بس مو ضروري تكون تناسبك كل وحده واحتياجها وراحتها ولون السحنه << لتتذكير 

لو تبغي مكياج نود او لوك النو ميك اب 

حطي في بالك للنجاح المهمة عدة نقاط :

-البشرة تكون مهيـــأة ومعدة وكل ماكانت خاليه من العيوب كل ماكان نجاح النو ميكب  لوك

-أغسلي وجهك بالغسول المفضل ويفضل لو في حبيبات تقشير ناعمة عشان يفيد بتوزيع الفاونديشن بطريقة توزيع صحيحة ومخملية ومتساويه  وبعدين رطبي بالكريم اليومي او البرايمر  << مهم يكون في شي كريم عشان يقلل اضرار الفاونديشن  -

-حطي طبقه خفيفة من الكونسيلر <<اكرر خفيفة ! مثلا عالعين اذا في هالات او على تصبغ لوني من الحبوب ! << ممكن تستغني عن هاالنقطة

-اذاكانت بشرتك ذهنيه استعملي الفاونديشن البودرة ومرري على مناطق التي زون   بعض  الكريمات تجي كريميه وتعطي مظهر بودره يعني ناعم وحلو مثل ميبلين فمايحتاج تحطي بودرة مضغوطه بالاضافة للسائل

-طريقتي احط بالفرشاة الناعمة الطويله او ساعت بيدي عالمناطق اللي احسها تحتاج يعني مو شرط تحطي بكل الوجه وراح يعطيك مظهر طبيعي ممكن تحطي عند الخشم مثلا او حوالين الفم وماتحطي عالخدود او العكس وممكن تحطي براحة يدك شويه كريم وتحطي كأنك تحطي كريم عادي المهم تشوفي وين وجهك يحتاج << مع الممارسه بتفهمي هههههه

-أختاريبودرة خدودمايله للحمره مش بنكية مثلا  او مايله للبني المحمر << هذا راح يعطي وجهك نضارة وللوك طبيعي استعملي سائل الخدود من بينيفيت ممكن توضعي ثلاث نقط وتفركي خدودك ويعطي مظهر جميل المهم لاتكثري ..جربي كريم الخدود اوردي من ميبلين حبيته ! وطريقة توزيعه سهلة

-حطي طبقة رقيقة من الماسكرا مو لازم كحل:@

-رتبي حواجبك بالطريقة المفضلة ممكن لو كان عندك اي شادو لونه بني ينفع ويعطي نتيجة جميلة انا ساعات استخدم اللي في علبة مكياجي 

-نجي لليب ستيك اختاري ملمع شفاه ديور مثلا او احد روجات بودي شوب اللحمية :@ او حتى مرطبك المفضل

-انتي الان جميلة :@

لو تبغوا ارقام ودرجات كريمات الاساس الموجوده باضيفهم :*

خبرونا كيف تسوو لوك يومي ؟ واي فاونديشن جربتوه وناويين تثبتوا عليه ؟