Japanese Cherry Blossom set  

body shop

اليوم اخترت مجموعة الكرز اليابنية من بودي شوب  ، أنا جربتها لفترة قصيرة جدا بحكم اني اخدت مجموعة السفر وعاده تكون بكمية قليلة والعلب بحجم اليد . 

كان في عرض جميل وقتها والهدية mug 

المهم انا ذوقي صعب مااحب الريحة تلزق ومااحب رائحة الفواكه في العطور ! فاابد مافكرت فيه بس قلت يالله ناخده وامرنا لله بس عشان المق ههههههههه 

التجربة ماكانت سيئة حلو مو فواكه وتحسي كأنك متسبحة بحلاوة او جلي لا ريحة جميلة صيفية !

جربت المجموعة كامله من الشاور جل ،زبدة الجسم ، والبودي لوشن وكمان معطر الجسم  واكثر شي حبيته زبدة الجسم من ناحية الترطيب !لان البشرة تتشربه بسرعة وريحته تدوم كثير ..

صابون الجسم او جل الاستحمام بشكل اصح مكتوب انه لايحتوي على الصابون وريحته جميله مايترك جفاف بالبشرة بحسب تجربتي 

عطر الجسم حلو صيفي ومنعش وماهو قوي ممكن تحطي في اماكن النبض وتستعملي بعدها عطرك المفضل يناسب فترات الصباح ويعطي بشكل عام ريحة نظافة وفريش !

اللوشن مقارنه بالزبده . فضلت الزبدة كترطيب حسيت تركيبة اللوشن خفيفة جدا مثل الماي !

تقييمي لها المجموعة جيدة نوعا ما وتلاقي رواج كثير وفي ناس يمدحوها لها صيت يعني !

اعطيها  ٦من ١٠ يعجبني ببودي شوب ان الاشياء وفيره يعني بيخلص الشهر وانتي لازلتي تستخدمي اشياءتك !
جربت مجموعة ثانية من بودي شوب كنسلت على دي بتكلم عنها في ريفيو ثاني 

وبالنهاية الناس اذواق ( إستخدامك للمجموعة كاملة يثبت الريحة بالجسم اكثر ) يعني لو كنت تحبي ريحة عطر معين وتبغيها تظل خدي الشاور جل واللوشن معاه ..

الأسعار لكل منتج بحاله 

عطر زهرة الكرز الياباني=٨٢ ريال 

زبدة الجسم =٧٥ ريال 

البودي لوشن =٤٨ ريال 

جل الاستحمام=٤١ ريال