Tips for beautiful hands

العناية باليدين .

كثير طلبوا أتكلم عن العناية باليدين وانا قررت اسوي بلوق لهاالشي !حقيقة انا مااخصص عناية لليد  انا اعاملها معاملة سائر الجسم < هههههههههه كيف بس اللغة !

اول شي مهم إهتمامكم ! جمال اليدين وشبابها يحدد عمر المرأة ! لازم لما تمدي يدك من وراء ستار ينعرف إنها يد حرمة ! ههههههه اليد المصقوله الخالية من العروق البارزة يقال إنها علامة من علامات جمال المرأة مو مهم شكل يدينك المهم وش تنتج ! ههههههه < بلاش فلسفة وخلصينا 

اول شي اذا عرف السبب بطل العجب ! لكل شي ! وحتى الأمراض !!!! يعني لو أنتي يوميا تغطسي يدينك بالمنظفات وهاتك فرك بالحمام والمطبخ والملابس  طبيعي بيتحول جلدك لجلد مو جلدك وبتعاني من الجفاف وهو العدو وبالتالي إسوداد المفاصل ..

الترطيب مهم جداً ، كيف ؟ ابتعدي عن الصابون والمواد الكيميائية  حقت التنظيف ! البسي قفازات يامال العافية ! بتقولي مااعرف اشتغل لا بتعرفي ! كل شي له شي انا اذا دخلت المطبخ البس المريلة والقفازات ومنديل على الراس بعد ! سويها فترة علاج متى مالبستي القفاز بتغسلي الصحون حطي بيدك زيت الزيتون والبسي القفاز عشان طول مانتي تشتغلي يدك تستفيد من الزيت !

شغلة ثانية بسيطة ومتوفرة بكل بيت  زيت الزيتون والسكر خليه سكراب لليد أغسلي يدك بماء دافئ حطي السكراب وافركي يديينش  ومع الوقت ببتحسن يديش وبتحسي بنعومتها 

رطبي يدينك قد ماتقدرين بأي مرطب مفضل خلي بالشنطه علبه صغيرة  من كريمك المفضل انا استعمل اللي بالصورة العلبة الصغيرة من ميلك كونسنتريت من لوكستيان ! 

في عندهم منتجات كثير مخصصة لليد وحائزة على اكثر كريم ينباع  وله تأثير جكيل من حيث النعومة والترطيب والحين صاروا يوفروه بروائح مختلفة الكريم اللي بالعلبة الخضرا  وفي ايضا الثاني اللي بزبده الشيا للأسف دورته بشنطاتي ماشفته ههههههه  بس ترطيب هائل واحسن من الاخضر بعد 

وطبعا صابونه اليد اللي اتكلمت عنها بريفيو سابق ممتازه وتقشر بلطف !

كمان تجنبي الصالونات قد ماتقدرين لان شغلهم عاليد قوي جدا الحمد الله ولامره رحت الصالون عشان يديني 

الكيوتكل لاتشيلينه لان كلما شلتيه يطلع مره ثانيه ويؤلم كثير وشكله مع المناكير جد بايخ رطبي يدك او حطي من بلسم الشعر عليه وحاوليه تدفينه بالجلد وان شاء الله يلتأم بروح واذا عندك هالشئ بكثر قصيه بالمقص المخصص له !  وكثره برد الأظافر تضعفهم حاولي تقللي من البرد ! كيف ؟ قصي أظافرك عدل ! هههه يعني قطيها من اول بالشكل اللي تبغيه وبليز حتى الاطفال من وهم صغار قصوا اظافرهم بشكل عدل مو الظفر مقصوص بشكل مثلت وخرابيط !

ايضا عشان تجنبي ان الاظافر تكون صفراء لاتحطي مناكير بشكل متكرر مره  وتمسحي بالدقيقه وحطي طبقة معجون من النوع اللي يكون ابيض مو جل وخصصي فرشاه لاظافرك وفركي الظفر وبكده الظفر بيصير ابيض مو مائل للاصفرار 

كمان الشمس لها دور بالاسمرار  بس بالترطيب بتحميها ! لان اساسا الجلد الرطب يقلل نسبه التصبغات حطي واقي شمسي اذا بتريدي !

في منتج بلوكستيان بالحقيقة ماجربته بس اتوقع انه مفيد للنضارة اليد   اسمه  brightening hand care

اختاري الالوان المناكير اللي تناسب لون يدش وحبي لونش :*

اللي عندها اي نصائح للجمال اليد ومجربه تقولها مشكوره 

يلا ابي تفاعل :*