العناية بنظافة الشعر :Hair care 

Shampoo

*قبل الشراء :

-غالي والا الرخيص !

كثير منا للحين مالقى الشامبو المناسب ، مع هالانواع وهالاصناف والاشكال والالوان الا ان صعب تختاري وصعب تحصلي النتيجة المرجوة !في السوق في اللي ب ٢٠ ريال وفي الا ٢٠٠ واكثر كمان !مو كل شي غالي معناتها عليه الجوده وتضمني قابليه شعرك معاهولا كل شي رخيص معناتها خطير ومستهلك ! اذا حصلتي شامبو يناسب شعرك stick with it

-نوعية شعرك:

شعرك انتي اعلم به وبنوعيته ! اذا كان جاف راح يكون fuzzy وسميكة الشعرة وغالبا راح يكون كثيف ! لان يزيد امتصاصه لاي زيت تحطيه او اي كريم  ، صعب واحيانا يكون مجعد ، شعرك دهني راح يكون نايم ،ضعيف غالبا  الحرارة الزايده او كثرة التمشيط او التدليك تخليه يفرز دهونه !بعض الاحيان معرض للقشرة وللرجال معرض للصلع :) والبعض متقصف او متضرر من الاصباغ ومواد التمليس او تنعيم الشعر !

هنا مايبغا لها ذكاء ! خذي الشامبو المخصص للشعرك  متضرر او تالف ذهني او جاف !  الخبراء  وضعو  تركيبات مختلفه تناسب كل شعر ، مثلا لايمكن تستخدمي شامبو الشعر الجاف وانتي شعرك ذهني ، طبيعي الناتج ان شعرك بيكون ملبد وغير نظيف لان تركيبه الشامبو الجاف كريمية  ، او مثلا تستخدمي شامبو للاستعمال اليومي وانتي تغسلي شعرك مرتين بالاسبوع ! هذا غلط لان شامبو الاستعمال اليومي مخصص  بحيث يكون تركيبته خفيفة جدا  واذا كنتي تستخدميه  مره بالاسبوع او مرتين ماراح تضمني نظافة شعرك !

-المكونات الفعالة 

انتبهي للمكونات الفعالة ومو بالضروره كلمة طبيعي تعني انه طبيعي مية بالمية ! او اورجانيك تعني انه مستخلص من مواد طبيعيه او بدون مواد حافظة  لازم في third party  تثبت انه طبيعي ! انتبهي اذا كان يحتوي على مواد تنظيف قويه او متوسطة ! مثلا mild cleanser like sodium laureth 

 .sulfate or a stronger one like ammonium lauryl sulfate

-مثال على مكونات تفيد الشعر الكيرلي او المجعد
الكيرلي غالبا ماصار كيرلي الا من جفافه !غالبا اطرافه متقصفه لان بصعوبه الزيوت تحول لاخر الشعرة  عكس الشعر المسترسل
تحتاجي شامبو يقلل من الفريز من الشعر المتكهرب او الكشة على قولكم
ابحثي عن الشامبوهات الكريمية التركيب اللي تحتوي على الشوفان مثلا او القمح ، زبدة الشيا ، زيت اللوز ، المكاديميا ..
ايضا السليكون والجلسرين في عندهم قدره محافظة على الماء او الترطيب ..
-بلسم الشعر
صاحبات الشعر المجعد او الجاف هم اكثر ناس اختررع لهم  بلسم الشعر ، انا ضد بلسم الشعر لكن هذول بعد كل شامبو مفترض ان يستخدموا البلسم عدا ذلك صاحبات الشعر الذهني ممكن يتبرعوا لرجالهم بالبلسم حقهم ويستخدموه ك كريم قبل الحلاقة لان يلين الشعرة ، يفضل تحطي البلسم على اطراف الشعر وتجنبي الجذور لانها تلين الشعر بشكل فظيع وممكن تضعف الشعرة وتشوفي كتله شعر طايحة بعد استخدامه ، مهم تسوي علاج للشعر بالزيت الساخن  على الاقل مرة بالشهر .. او علاج حمام زيت ترطيب مكثق وع الايام بتحبي نوعية شعرك ..
-ملاحظة لذوات الشعر الجاف
لاتغسلي شعرك يوميا بالشامبو ، اذا ماتتحملي فكرة انه نظيف انتي بس بتزيدي عدم لاقدره بالتحكم فيه وبتزيدي جفافه ..
-الشعر الذهني ، اللين ، الخفيف
ابتعدي عن الشامبوهات الكريميه يناسبك الاشامبوهات الجل او التركيبه الشفافه !غالبا بعد يوم من الاستشوار راح تكوني قرفانه من شعرك ولازم تغسليه .  ابحثي في شامبوهك على مكون اسمه panathenol  البانثينول يساعد على بناء الشعرة وتقويتها .
ممكن بدل غسل شعرك يوميا ! استبدال الشامبو التقليدي  بالشامبو الجاف وهذا تركيبته مثل البودره اللي مو بس بتقلل مظهره الذهني كمان راح تعطيه كثافة .
- بلسم الشعر
صاحبات الشعر الذهني مايحتاجون بلسم ! البلسم ممكن يكون سبب للزيادة تساقط الشعر  او زيادة ليونته يعني عند الاستشوار تحشي الشعر مو ماسك او واقف وممكن مايتحمل حرارة الاستشوار ! اللي مصرة تبغاه  لاتقرب الجذور حطي بالاطراف ثواني واغسلي شعرك مو تنسيه في شعرك او ابشري بالقرعة هههههههه
- فكرة :
ممكن تستخدي السبراي  اللي تركيبته فيها زيوت الحين منتشر  ومايحتاج غسيل للشعر  ويعطي مظهر حلو ولمعه جميله ! نسوي ريفيوهات عنها  بالمرات الجاية
- الشعر المصبوغ او المعالج كيميائيا
هذا يبغا لك عناية قدها ، اذا ماتعتني بشعرك لاتصبغي ! ببساطة !
ابحثي عن المكون البروتيني ! شعرك عبارة عن بروتين وكل هالعلاجات وهالاصباغ تدمر البروتين في شعرك ، اختاري منتجات تحتوي على الامينو اسيد او الصويا  او القمح  amino acid , soya , wheat
عادة راح يكون جذور ذهنيه واطراف جافة ! وراح تكون هنا الصعوبة !ممكن الشركات يحاولوا يكسبوا فلوس منك ويقولوا هذا مناسب للشعر المصبوغ ! او يحافظ على لونه او يعالج بعد الصبغة ! اذا عندك فلوس جربي ماراح تخسري شي او ممكن فقط تكتفي بشامبو الشعر العادي !
- الشعر المعالج
اغسلس بالشامبو الكريمي وركزي عالجذور بس ودلكي شعرك عشان يوصل لباقي اشعر وايضا لاتنسي الكوندشينر :| ههههههه
- الشعر التالف
ابحثي عن شامبو كريمي مكون من الجلسرين او الكولاجين عشان يبدأ يصنع الشعرة التالفة من جديد وتعود لها الحياة  والترطيب هو المفتاح !
- همسة
قصي شعرك لو تقدري كل اسبوعين ثلاثة !:|
- الشامبوهات اللي بالصورة جيدة نوعا ما << اقصد ناسبة تركيبة شعري وجربت اشياء غيرها  اا بطبيعتي اغير الشامبو كل اسبوعين ثلاثة  بانتين كان جيد ماخلى شعري يتشاقط ، قارنير ماحبيت !ومان ان تيل جيد جدا !!! نو بلسم بالنسبه للشعري

اللي عندها تعليق تقول وتنصحنا باي شامبو تعتقد انه يستحق !