كريم زبدة الشيا الغنية الملطف

للجسم من جرجنز/Enriching shea butter

ماعندي تجارب كثيرة مع جرجنز اول تجربة لي كانت الكريم اللي بالصبار المريح جدا وهالمرة اخدت اللي بزبدة الشيا ..

طبيعة الكريم ثقيلة بين الزبدة وبين الكريم يعني مو نفس تركيبة اللوشن لازم تدلكي بشرتك عشان يمتصه الجلد  ، يناسب البشرات شديدة الجفاف جدا او اللي تعاني من الجفاف في فصل الشتاء 

لما تقرأي المكونات بكل منتج انتبهي للشئ مهم ، راح تكون المكونات مرتبة بحسب مقدار  المكون يعني لو المنتج تركيبته غالب عليها ماء راح ينكتب اول شي  وهلم جرا ..

المنتج جميل يعيبه زي ماقلت انه ثقيل شوي بس ترطيبه ولااروع ويعطي لمعة رهيبة بالجسم 

لو ماحبيتي ثقله ممكن تستخدمية للاماكن اللي تحتاج ترطيب اعمق من غيرها او فيها خشونة مثل الاقدام مثلا  

رائحته جميلة حبيتها كأنها علك ههههههه ، اختي تقول ماحبتها يختلف الاذواق ..

يعيبه العلب الصغيرة بس تقريبا شهر ويخلص او اقل اذا كنتي تاكلي الكريم ههههههه

بالنسبة للصبار المريح يعتبر جدا حلو وملطف للبشرة خصوصا اذا كنت ببلدة باردة او احترقتي من حرارة الشمس  يلطف جدا ..

معلومة مهمة وحبيتها كريم جوز الهند حقهم يحتوي على زيت جوز الهند اللي درجة حموضته بين ٤ و٦وهي تعادل حموضة سطح البشرة اللي يتراوح بين ٥،٥ او ٤ وهذا يوازن البشرة وينفع مع اللي يعانوا من مشكلة الجفاف 

عن نفسي حبيت المنتج وباجرب أشياء ثانية مستقبلا ...

يوجد على رفوف السوبر ماركتات :)