TK's Lashes 

eyelash & eye -brow.. extensions

اليوم مدونتنا عن ماسكرا الرموش ومعزز الحواجب من TK's lashes ، طبعا الكل يبحث عن رموش طويلة وكثيفة وحواجب بيرفكت والاهم لوك طبيعي ومش مصطنع ابدا ً ، الكثير من الماركات قدمت ماسكرات وكل سنه السوق يطلع بجديد ،من العيوب اللي تخرب طلة البنت الرموش الاوفر الاكستنشن ! والحواجب المرسومة رسم !تعظي مظهر قاسي وملامح حادة تنفر ! مافي اي رجال تجذبه منظر الحواجب الثخينة والمرسومة بشكل هندسي ههههههه، نصيحة كل ماكان شكلك طبيعي كل ماكان مظهرك أنيق ومرتب وأصغر بالعمر بعد . 

في خلال سفري لاحظت الاجانب يسرفوا بالمكياج حالهم حال العرب ! تخيلوا يوميا البنت تحط وصلات رموش او يستخدموا رموش دائمة تدوم ثلاث شهور ، الفكره مش بطاله للي يعانوا من قحط بالرموش بس المشكلة في اختيار الانسب واللي يظهر طبيعي وماينقلب سلبا على مظهر البنت ، واللي من سلبياته تساقط الرموش الاصليه وقت انتهاء فترة ثباتهم ! شغلة ثانية الصمغ اللي ينوضع على العين لتثبيت الرموش حار نوعا ما ! وممكن ماتتحمله العيون الحساسة مثل عيني :$ 

جربت ماسكرات وحقيقة مو كثيرة يمكن ٣ ماركات اللي جربتها وبعدها رسيت عالثالثة الي هي اللي تشوفوها بالصورة 

من الاشياء اللي تهمني بالماسكرا عدم تكتلها ! وايضا عدم تأثيرها عالعين ! وهذا سبب اختياري لها الماسكرا  الجميلة ، 

الماسكرا هادي تعطي طول للرموش جميل جدا وممكن توقفي عند هالحد اذا كان هذا مطلبك ! مجرد ضربات خفيفة على اطراف الرموش ومظهر جميل وطبيعي جدا ! مانتهينا ! البعض يبحث عن الكثافة بالرموش  العلبة الثانية الاصغر اللي تجي بالصندوق تحتوي على "فايبر " او شي يشبه الوبر ! بعد ماتخلصي من الماسكرا تمرري  الفرشاة الثانية اللي تكون ماسكة وبر والمفاجأه مثل السحر ! دبل رموشك وبدون وصلات ولاصمغ ! مظهر جميل للعين وكثافة ساحرة !<<معليش تحمست بس حقيقي تجمل العين ومااعتقد ان الكحل بيكون اساسي في مكياجك .

العلبة الثانية للحواجب تشبه زجاجة مناكير  نفس فكره علبه الاي لاش اكستنشن وفي منها ٣ الوان داخل العلبة فايبر انا اخدت درجة البني المائل للشقار ووفكرتها انها تعبي فراغات اللي بين الحاجب يعني تعزز لون الحاجب بنفس الوقت وبكده بنتجنب مظهر القلم بوجهك وبيكون طبيعي جدا !فكرة الوبر او الفايبر تشبه الشعيرات الصغيره والعجيب ثباتها بالحاجب ومحد بيسألك اي قلم حواجب تستخدمي !تنفع للي حواجبهم مافي عيوب مجرد تعبئة فراغات ولون افتح !

تجربه جدا ناجحة وشريت الماسكرا مرتين اما فرشاة الحاجب والفايبر للرموش مره وحده لان الفايبر ده وفير ويمديك تستعمليه سنتين قدام هههههه !

الرائع فيه سهولة ازالته تحتاجي فقط مسحة للعين وينشال كل بقاياه وبدون سواد او لطخات ليوم ثاني !  اللي تبيعني قالت مابتشعري بأي احمرار او حكة وهذا كنت اعاني منه مع الماسكرات الثانية ! وبالفعل يوميا كنت استعمله لسهوله استعماله ومااخاف من اي احمرار او حساسية !
للتجنب التكتل ضعى الماسكرا على طرف الرمش وارفعي الرمش مع تحريكه حركة خفيفة ! وللمحافظة على لماسكرا لمدة اطول تجنبي انك تفكي فرشاة الماسكرا بالعلبه وتعتقدي انك تغمريها باللون ! هذا يخرب الماسكرا ويجففها بسرعه ! ونقطة ثانية مهمة لاخلي احد يشاركك فيها لانها مرتع للجراثيم :)

يجي في علبه جميلة للماسكرا وكمان شكلو انيق ! الاي برو في منه ثلاث الوان ! عيبه انه مو متوفر بمحلات الماكياج ! طلبته من النت وكان احد الصالونات باأستراليا توفره !

سعره اعتبره غالي لكن اجمالا جميع ماركات الماكياج غالية واعتقد انه يستاهل ! :)

ممكن تشوفوا موقعهم بالنت لو حبيتوا تطلبوا 

http://www.tkslashes.co.nz/the-benefits