Lip Scuff

the body shop 

بسم الله  وعلى بركة الله ، صايرة مشغولة هاليومين بس اوعدكم بتدوينات حلوه تعجبكم وريفيوات لمنتجات اكثر ومتوفره بيد الجميع ، صايرة اتكلم عن الشفاشف كثير وتقشيرها ! بس تقشير الشفايف مهم جدا ومفيد  والبعض ينساه وبعدين يشتكي ان لون الروج مو لابق مع الشفايف او مو نفس درجة اللون اللي المفروض تكون وهذا بسبب طبقة الجلد الميت على الشفايف ، نصيحة اذا كانت شفايف متقشرة ومعدومة لاتحطي روج ابدا حطي مرطب او ليب بالم لانه ترطيبي اكثر ويحسن من مظهر الشفايف ويعطيها مظهر طبيعي وممتلئ والاهم شبابي :*

ونقطة مهمة ثانية للعناية بالشفاه وهي لما تجي تفركي أسنانك تجنبي رغوة المعجون عالشفايف  لأن بعضها قوية وتأثر وتسبب لك حساسية حوالين الشفاه واللي يسبب سواد مزعج ! يعني فركي بهدؤ لاتستعجلي ولاتستهبلي قدام المراية والرغوه ماليه وجهك كأنك رجل الثلج هههههه.

اذا كنتي تحبي الوان النود الطبيعية مثلي مهم تحطي إعتبار للتقشير شفايفك! لان مع الايام تظهر طبقة الجلد الناعمة والرقيقة ويحسن لون شفايفك  بس لازم لازم ترطيب بعد عملية التقشير اذا اهملتي الترطيب معناتها ابشري بالسواد بعد التقشير :)

اذا كانت شفايفك معدومة او كنتي تسخدمي روجات بكثر قشري شفايفك ثلاث مرات بالاسبوع ورطبي قبل النوم بمرطب زين ! وابتعدي عن الفازلين التجاري ><"

مقشر الشفايف من بودي شوب ترطيبي يعني مايحتاج تحطي علي شفايفك مرطب "قبل" التقشير " وفيه حبيبات تشعري بها وانتي تفركي وبنكهة النعناع وحرارته .

الغرض منه إزالة الجلد الميت لكن بلطف لهذا تحسي قوامه كريمي ويظهر على شفايفك بشكل اقرب للثخين <<شكله مقرف شوي ههههه ويعطي إحساس بالنعنشة ونعومة للشفايف ..

فكرته حلو يشبه للروج  يعني عملي جدا ممكن تحملي بأي مكان وتفركي شفايفك بسرعه وتغسليه وتحطي روجك المفضل  عيبة انه بقايا الجلد الميت بتبقى  فيه ! احسه مو نظيف يعني بعد مااخلص احاول اخد فاينه مبلله شوي وازيل باقي الطبقة !  افضل استعماله بعد الشاور  اوبعد ماتغسلي وجهك يعني الشفايف شوي رطبه ومو ناشفه بزيادة !

انا افرك بشكل دائري وتتبعي لين اخلص الشفايف يعني مو بطريقة مد البوز ودائرة ة كبيرة اتمنى فهمتوا هههههه!  يعني ابسطي شفايفك بشكل طبيعي وبدي تمريره على شفايفك بشكل مدور ! بتحسي بتنميل شفايفك ومالاستعمال الاول بتحسي انه ينفع لان حركتي الدوره الدمويه <<لهدا اقول دائري وانشال الطبقة الجلدية الميته بعدها اغسلي بطرف صبعك وازيلي النتبقي تماما ورطبي على طول .

بشكل عام ماحبيت المنتج ! مع الايام ماحسيت انه مقشر قوي يعني لو كان  قوامه مختلف كان اعطى نتيجة افضل برأيي تركيبته تشبه مقشر جسم او وجه مو حق شفايف يعني ! 

سعره ٤٣ ريال   أعتقد وماجربته الامرة واحدة وافضل لاش اللي بالتدوينة السابقة ، لحماية الشفايف من الروجات حطي طبقة حماية "رطبي" شفايفك قبل ساعة مثلا :)

اللي جربته ياليت تقول تجربتها !:*

Bubble Gum lip scrub

lush 

تدوينة اليوم عن منتج من لاش ، مقشر شفايف سكري بنكهة لذيذة ، من أمتع التجارب حقيقة ! قشري شفايفك بالسكر والعقي المتبقي :@ يعني صالح للأكل وطعمه مثل العلكة . 

ببساطة تأخدي كمية بحجم حبه الحمص أو أقل وتفركي شفايفك تعطي مظهر أملس وناعم للشفايف وصحي .

طبعا مش من المفترض أبدا أنك تقشري شفايفك يوميا  لأنه بشرة الشفايف رقيقه جدا وهذا يفسر لونها الوردي المحمر . مع هذا المنتج ودك لوتقشري يوميا عشان طعم العلكة اللي فيه ههههه هذا يسموه متعة الذنب  او guilty pleasure !

طبعا ممكن تقولي ان مقرف انك تاكلي المتبقي اللي على شفايفك ويمكن يكون جلد ميت ، صدقيني مابتفكري بهالطريقه لأن حركة قم الشفايف  مافي احد مايسويها ولهذا كان اخترراع جدا ذكي هههههه

ممكن أعطيه ٤ من ٥ لأن المنتج بسرعه يطيح من يدي  يعني صعب تاخديه من العلبه وماتخسري بنش منه في السنك او عالارضية هههه يعني غير متماسك لكني حبيته جدا

مشكلة لاش ان مافي بالشرقية محلات أعتقد وتوهم فاتحين بالرياض يالله عقبالنا ! منتجات لاش حلوه ميزتها الروائح << حقيقة انا ماتعجبني قوتها والعيب الثاني ان الحاجات تخرب لأنها طبيعية جدا! لكن عندهم حاجات حلوة وعملية وغريبة للدرجة تحتاري ايش تشتري اذا ماجربتي شي من قبل ! الأشياء غاليه حقيقة وأستكثرت قيمته  لما قريت المكونات لأن باإمكانك تسوي مقشر شفايف بالبيت وبالنكهة اللي تبغيها وباأقل سعر <<احس غباء تطلبي شي من النت ويمكن يخرب  على مايوصل 

فجربي هالوصفة السهلة من وحده من البلوقريات او اكتفي بتقشير شفايفك بالسكر !

Ingredients:

3 Tbsp Granulated Sugar

1/2 Tsp Coconut Oil

1/4 Tsp Sea Salt

1/2 Tsp Glycerin

1/2 Tsp Imitation Butter Flavor

Optional yellow coloring

Stir together until blended!

بالبيت وادعي لي :*

مهم ترطيب شفايفك دائما  وأحسن مرطب للشفايف  المــــــــــــاء  يعني اشربي ماي كثير ورطبي وجهك اقصد المنطقة القريبه من الشفاه لأن جفافها ممكن يسبب لك سواد ..

VITAMIN E SINK-IN MOISTURE MASK & TEA TREE FACE MASK 

the body shop 

تدوينة اليوم عن ماسكات للوجه من بودي شوب ،موجودة بالسوق من دهور! بس الأغلب يفضل مايخسر البادجت حقه في ماسكات وهو في إمكانه يسوي أشياء بالبيت طبيعية ومتوفرة بالثلاجة ،والبعض يتجنب عمل قناعات دورية لضيق الوقت او الحوسة اللي تسببها الماسكات الطبيعية والريحة اللي مش ولابد هههه وتأثيرها عالبشرة بطئ نوعا ما!ويبغا لها ألتزام  ..

لهذا ماسكات المحلات هي الأنسب ! وعلى هالأساس من فترة لفترة احاول أشتري عشوائيا يمكن يزبط معاي واحد وأعتمده ههههههه

 يفضل تسوي قناع للبشرة للغرض تغدية البشرة مو بس تنقيتها وتنظيفها من الشوائب .أخترت ماسك فايتامين E من بودي شوب .هذا الماسك مناسب جدا لذوات البشرة المتصحرة الجافة جداً واللي تحتاج ترطيب .مع هذا أنا أخذتها وانا بشرتي ذهنية جداً . غلط جدا تعتقدي ان البشرة الذهنية ماتحتاج ترطيب . ترى حالها حال الجافه لكن يبغا لها تنظيف أكثر .

المهم البشرة الجافة تحتاج hydrating  يعني عمليه تساعد الجسم عالأحتفاظ بالماء وهذا الماسك يقوم بالعمل هذا .

مهم جدا قبل أي قناع تكون البشرة نظيفة  يعني أغسلي وجهك أو قشريه جففيه بفوطة وبعدين حطي الماسك  عشان تضمني إمتصاص البشرة للمواد المفيدة  ،لأن بشرة وسخة وقناع يزيد الطين بلة ..!

قناع الترطيب العميق . تدهني البشرة وهي نظيفة بطبقة رقيقة <<لاتبالغي وتحطي طبقات وتظني ان المفعول بيبان اكثر لان البشره بتاخد اللي يكفيها بس  فلا تعطيها ازيد من ماتبغا ! أتركيها لمدة ١٠ دقائق وأسترخي  وبعدها أزيلي  الطبقة بمناديل ورقيه او فوطة للوجه ..

تجربتي معه جميل جدا مرطب <يعني أدى المطلوب منه ينفع لأيام الشتاء الباردة  ويعطي نضارة كأنك حاطة كريم أساس وموردة:) 

عيبه ماسك واخد وحتى لو ابيض ذهب مابشتري لي كل اسبوع واحد ومهم الالتزام اذا تبغي تحصلي نتيجة ، اعتبره شوي تدليع للوجه لو اخذتيه يعني تأثيره مو دائم يعني يومين ثلاثة وبشرتك تعود طبيعي .:) سعره دولارين ونص :)

الماسك الثاني الأخضر هو ماسك شجرة الشاي ، الشاي معروف بوفرة مضادات الأكسدة فيه . الأكسدة شي ممكن تسمعي فيه كثير وماتعرفي ايش هو ! كل شي هالايام يقول لك antioxidants  يعني مضاد للأكسدة !  ايش فايدته انا اقولك :@

ببساطه لما تجيبي تفاحة وتقشريها وتتركيها برا لفتره بفعل عوامل الجو وباقي الاشياء يصير لونها بني  وتتلف جزئيا لهذا ينصحوا أنك تحطي عليها حامض <<هذا هو مضاد للأكسده يعني يمنع الأكسجين يأثر عليها ويطول بعمرها 

جسم الانسان او البشرة تمر بعوامل العمر والجو والتغديه الى التأثر مع الزمن والاكسده تفاعل طبيعي يحدث في جسم الانسان وشئ لابد منه ..

يعني اللي يصير ان الخلايا تنقسم يصير فيها خلل او تدمر كما تدمر الأحماض الدهنية الموجودة في الخلية اللي يخلي  أجسامنا عرضه للعديد من الالتهابات والفيروسات والسرطانات.مضاد الاكسدة هذا يقوم بالحفاظ على غشاء الخلية ويخلي البروتين  فيها يعني خط دفاع من السموم والالتهابات ..

المهم قناع شجرة الشاي هذا أعتبره قناع مبرد يعني ريفريشينق ، ينظف بعمق ويعطي نعومة للبشرة ، مناسب جدا للبشرة الذهنية للتخلص من الدهون الزايدة وكمان يخفف من البقع إن وجدت مع الاستعمال المتكرر وينعم البشرة. تحسي بالنظافة بعد الاستعمال ويعطي شعور نعناعي :@ ههههه  . السعر نفس الثاني :) 

هل باشتريها مرة ثانية اعتقد ماسك الترطيب ، فيتامين e!عموما انا ماؤمن ان بودي شوب محل يوفر منتجات طبيعية ١٠٠٪  مع هذا أحسه أسعاره مناسبه .. وخياراته كثيره ..

  Almond Delicious Soap  L'Occitan 

اليوم الريفيو عن صابونة  اللوز المقشرة لليد  من لوكستيان ، حقيقة أنا من المستخدمين بكثرة لمنتجات لو كستيان واحب أجرب أشياءهم بكثرة ، الصابونة هاذي ماخططت للشراءها بالمرة ! أنا أحب أشتري الأشياء set يعني المجموعة كاملة ، وأفضل أشتري كمية صغيرة عشان أني أحب أجرب أشياء من فترة للثانية فاأفضل أشتري المنتجات المخصصة للسفر يعني تكون علبتها صغيرة عشان لا أتورط فيها إذا جربتها ، السئ هنا قليل محلات يوفروا منتجات للسفر ، بمحلات ثانية تكون موفرة بشنط جميلة :(

نرجع للصابونتنا طبعاً انا مو من محبين الصابون ! لأني أخاف من الجفاف الصابوني ! بس هاذي أمنت لها كونها من محل يوفر أشياء طبيعية وأثق بمنتجاتهم نوعا ما ..

طبعا أنا نفذ من عندي سائل الاستحمام هههههه فقررت أني استخدم الصابونة للجسم كامل يعني غيرت الغرض مو بس لليد لا للجسم ! 

مكونات الصابونة  طبيعية ١٠٠٪تحتوي على قشر اللوز من منطقة جميلة تعرف بـ .Haute Provence
طابع الصابونة خشن بعض الشئ  وده طبيعي لأنها تقشر ! يعني مايحتاج لوف للتدليك ، لحد يستغرب بس طريقة الإستحمام الصحيحة إنك تبللي الجسم بماء حار حبتين  تستخدمي لوفة  وتفركي الجسم بدون صابون وبقوه بعض الشئ وتغسليه وبعدها تفركي الجسم بالصابون لوحده وبعدها تغسليه بماء مائل للبرودة.
تقشيرها متوسط يعني مو تقشير عنيف ولا ناعم بزيادة! وطبيعة الرغوة كريمية يعني ماتجفف بس يحتاج الجسم ترطيب بعدها والريحة عادي ماتترك ريحة :)
اللوز مصدر غني للبروتينات وفيتامين E اللي يحافظ على نضارة البشرة وإشراقتها ، وكمان معروف عن اللوز بخصائصه العلاجية للبشرة  ومشاكل التصبغات .
اعتقد استعمالها امن لبشرة الوجه يعني مو قوية مرة  وماتشمخ، حجمها صغير تناسب يد المرأة ولو كان في باث سايز كان أفضل :@
تقييمي لها جيدة ومع الاستمرار أتوقع إنها تحسن مظهر البشرة ، لو كانت مرطبه أكثر يكون أحسن .
ممكن استعملها مرات ثانية بس مااحسها تحمس يعني مو حماسية بريحتها ومنعشة :@ بس تعطي نضارة وتحسي بفرق مع تكرار الاستخدام
سعرها جيد 18.75 ريال

TK's Lashes 

eyelash & eye -brow.. extensions

اليوم مدونتنا عن ماسكرا الرموش ومعزز الحواجب من TK's lashes ، طبعا الكل يبحث عن رموش طويلة وكثيفة وحواجب بيرفكت والاهم لوك طبيعي ومش مصطنع ابدا ً ، الكثير من الماركات قدمت ماسكرات وكل سنه السوق يطلع بجديد ،من العيوب اللي تخرب طلة البنت الرموش الاوفر الاكستنشن ! والحواجب المرسومة رسم !تعظي مظهر قاسي وملامح حادة تنفر ! مافي اي رجال تجذبه منظر الحواجب الثخينة والمرسومة بشكل هندسي ههههههه، نصيحة كل ماكان شكلك طبيعي كل ماكان مظهرك أنيق ومرتب وأصغر بالعمر بعد . 

في خلال سفري لاحظت الاجانب يسرفوا بالمكياج حالهم حال العرب ! تخيلوا يوميا البنت تحط وصلات رموش او يستخدموا رموش دائمة تدوم ثلاث شهور ، الفكره مش بطاله للي يعانوا من قحط بالرموش بس المشكلة في اختيار الانسب واللي يظهر طبيعي وماينقلب سلبا على مظهر البنت ، واللي من سلبياته تساقط الرموش الاصليه وقت انتهاء فترة ثباتهم ! شغلة ثانية الصمغ اللي ينوضع على العين لتثبيت الرموش حار نوعا ما ! وممكن ماتتحمله العيون الحساسة مثل عيني :$ 

جربت ماسكرات وحقيقة مو كثيرة يمكن ٣ ماركات اللي جربتها وبعدها رسيت عالثالثة الي هي اللي تشوفوها بالصورة 

من الاشياء اللي تهمني بالماسكرا عدم تكتلها ! وايضا عدم تأثيرها عالعين ! وهذا سبب اختياري لها الماسكرا  الجميلة ، 

الماسكرا هادي تعطي طول للرموش جميل جدا وممكن توقفي عند هالحد اذا كان هذا مطلبك ! مجرد ضربات خفيفة على اطراف الرموش ومظهر جميل وطبيعي جدا ! مانتهينا ! البعض يبحث عن الكثافة بالرموش  العلبة الثانية الاصغر اللي تجي بالصندوق تحتوي على "فايبر " او شي يشبه الوبر ! بعد ماتخلصي من الماسكرا تمرري  الفرشاة الثانية اللي تكون ماسكة وبر والمفاجأه مثل السحر ! دبل رموشك وبدون وصلات ولاصمغ ! مظهر جميل للعين وكثافة ساحرة !<<معليش تحمست بس حقيقي تجمل العين ومااعتقد ان الكحل بيكون اساسي في مكياجك .

العلبة الثانية للحواجب تشبه زجاجة مناكير  نفس فكره علبه الاي لاش اكستنشن وفي منها ٣ الوان داخل العلبة فايبر انا اخدت درجة البني المائل للشقار ووفكرتها انها تعبي فراغات اللي بين الحاجب يعني تعزز لون الحاجب بنفس الوقت وبكده بنتجنب مظهر القلم بوجهك وبيكون طبيعي جدا !فكرة الوبر او الفايبر تشبه الشعيرات الصغيره والعجيب ثباتها بالحاجب ومحد بيسألك اي قلم حواجب تستخدمي !تنفع للي حواجبهم مافي عيوب مجرد تعبئة فراغات ولون افتح !

تجربه جدا ناجحة وشريت الماسكرا مرتين اما فرشاة الحاجب والفايبر للرموش مره وحده لان الفايبر ده وفير ويمديك تستعمليه سنتين قدام هههههه !

الرائع فيه سهولة ازالته تحتاجي فقط مسحة للعين وينشال كل بقاياه وبدون سواد او لطخات ليوم ثاني !  اللي تبيعني قالت مابتشعري بأي احمرار او حكة وهذا كنت اعاني منه مع الماسكرات الثانية ! وبالفعل يوميا كنت استعمله لسهوله استعماله ومااخاف من اي احمرار او حساسية !
للتجنب التكتل ضعى الماسكرا على طرف الرمش وارفعي الرمش مع تحريكه حركة خفيفة ! وللمحافظة على لماسكرا لمدة اطول تجنبي انك تفكي فرشاة الماسكرا بالعلبه وتعتقدي انك تغمريها باللون ! هذا يخرب الماسكرا ويجففها بسرعه ! ونقطة ثانية مهمة لاخلي احد يشاركك فيها لانها مرتع للجراثيم :)

يجي في علبه جميلة للماسكرا وكمان شكلو انيق ! الاي برو في منه ثلاث الوان ! عيبه انه مو متوفر بمحلات الماكياج ! طلبته من النت وكان احد الصالونات باأستراليا توفره !

سعره اعتبره غالي لكن اجمالا جميع ماركات الماكياج غالية واعتقد انه يستاهل ! :)

ممكن تشوفوا موقعهم بالنت لو حبيتوا تطلبوا 

http://www.tkslashes.co.nz/the-benefits

Fish Oil & Omega 3

حقائق عن زيت السمك او الاوميغا ٣ 

زيت السمك او الاوميغا ٣ هو عبارة عن مكمل غدائي يعني ماله دخل بمجموعة الفايتامينات ، البعض اول مرة يسمع به ممكن لأن بالحقيقة لان الدراسات  عليه جديدة ومستمره وشئ اضافي ندرة هالزيت لكنه بفترة قصيره اثبتت فعاليته في العديد من الامراض ومساهمته في الحد او الوقاية منها .

يوجد اكثر من نوع من زيت الاوميغا  في ٦، ٩  لنوضح طريقة عملهم ببساطة الزيت الجيد بيحد من الزيت الردئ يعني الدهون المشبعة بتقل بالجسم وهذا يحمي القلب والشرايين وبالتالي حياة اطول وصحة افضل ! بجملة وحدة "oil cuts oil "< حتى بالانجليزي شغالة امثال ههههه

المهم ليش استخدمه ؟ انا بنت في العشرينيات ! ببساطة( وقاية ولمنافع اخرى اكثر) ! اهمها:

- يقال ان السمك يساعد في تقوية الذاكره  واحنا طلاب الجامعات نحتاج ذاكرة قوية ونشطة ! فاخترته كمكمل غدائي لأني مااثق بالفايتامينات المدعمة او الكبسولة اللي تحتوى على اكثر من فايتامين ويقولش انها مفيدة ! ببساطة وبدون روشتة او حتى كشف طبي الفايتامينات متوفره وبمتناول الجميع يعني حتى بالاسواق تباع   ! كيف اختار الانسب ؟ بتسألي ؟ انا اقول ان اقدامش على هالفكرة خطأ فادح انتي تعتقدي ان بيتمم الفايتامينات الناقصة بس ماتدري ان اخد هالنوع من الفايتامينات خطير جدا ! لان قد يكون عندك نقص في فايتامين B12 مثلا ! ويكتمل... لكن نفس الكبسوله تحتوى على  C/E  وجسمك مايحتاجها ! بالتالي الفايتامين سي مثلا راح يتكدس على شكل سموم بالجسم واللي ممكن تؤدي لاسمح الله للسرطانات ! او امراض اخرى ف كوقاية انا  لاانصح بالاقدام على استعمال اي فيتامين بدون استشارة طبيب ! 

-المكمل الغدائي زيت السمك او الاوميغا 3 مش موجود بالجسم اساسا يعني لايصنع نفسه بالجسم احنا نستمده من الاغدية  فقط وحتى لو الجسم احتوى عليه فهو بنسب بسيطه وغير كافيه تماما مثل اليود مثلا !

-منفعة اخرى في زيت السمك انه يعطي نضارة للبشرة وليونه فيها وبالتالي قدرتها على التمدد بسبب رطوبتها الطبيعيه تماما مثل الزيوت لما تنحط على سطح البشرة بس هذا بداخل الجسم .

-ايضا مفيد جدا لتقوية الشعر ونموه معروف قديما ان الي ياكلوا سمك كثير يكون شعرهم قوى وطويل ويقال اسود بس هذا بيعطي لمعه بالشعر مو سواد :@

-هناك دراسة تقول ان الاشخاص اللي يعانوا من النحافة الزائدة ينفع ياخدوه كمكمل غدائي ! بس هل يسبب زيادة الوزن عن نفسي مالاحظت !:)

خلاصة فوائده 

• جلد
•  شعر
•  رؤية
•  صحة القلب يحد من التهاب المفاصل 
•  صحة الدماغ
•  تحسين  وظيفة الجهاز الهضمي
•  الصحة الإنجابية
• وظيفة الجهاز المناعي
• تحسين نمط الحياة 

يوجد منه انواع كثيرة بالسوق وبكل مكان بتشوفي نوع ! انا جربت كبداية زيت السمك لكن سائل  طبعا لايمكن ان ينشرب كده فكان مدعم بنكهة البرتقال ! ليش اخدته سائل لان طبيعي اسرع في امتصاصه بالجسم اكثر من الكبسوله وانا ابغا بنيفت سريع هههههه . بصراحة ماكملت الزجاجة ! طعم الزيت حسيته يعني في زفره وكانت تجربة مش مكتمله ههههههههه :|| << كان مكمل للاطفال  وماناسبني المفترض ان احط ملعقة منه في عصير واشربه ! بس ماحبيته فتوقفت عنه .

شفت بالسوق يبعوه على هيئة حلوى جيلاتين ن حبيتها للفكره وطبعا كان مخصص للاطفال وانا استغليته لان طعمه مثل الحلاوه بالضبط وانا اكله على انه جلد ، بصراحة شككت في كفاءته  ويمكن اكل منه بكثره لاني احسبه حلاوه واني شرههة في حلاوة الجلد فابدا ماكان حل وغير كده مالاحظت اي فايده منه غير الطعم اللديذ يمكن لان تركيزه بيكون خفيف جدا كونه للاطفال .فتوقفت :@

اخيرا استقريت على الكبسولات زي اللي بالصوره من محل مشهور لبيع العسل عندنا بااستراليا ممكن تبحثوا عن اسمه بالنت وتشوفوا اذا يوفروه !

تجربه ناجحة حسيت ان بشرتي تحسنت نوعا ما <يمكن منه ويمكن لا حقيقة ! لايمكن اقولك تحسن بشرتي او شعري منه لان في عوامل اخرى غير تساهم يعني لايعتمد عليه بشكل كلي:) وانتي غداءك خربان او عنايتك غلط !

شي مهم جدا ويجب ان تاخديه بعين الاعتبار ان باامكانك الاستغناء عن كل هذا وتاكليه دايركت من مصادر طبيعية ! مثلا يكون متوفر ب الاسماك  الزيتية مش البيضاء او التعارف عليها عندنا ! تكون متوفره بالتونة وسمك السالمون  وبعض انواع المكسرات مثل الجوز ! على الاقل لازم تأكل سمك سالمون مره اسبوعيا < طعمه جدا لذيذ واحسن من السمك العادي ! 

لكن انتبهي للهانوعيه من الاسماك كونها تحتوي على الزئبق بنسب عاليه فكثرتها مش محبدة ! 

ايضا قبل شراءك للكبسولات تأكدي من نوع السمك المستخرج منه الزيت وانتبهي لايكون مصدر الزيوت اسماك قرشية < لأسباب دينية :)

عموما انا اخد الكبسولة بوقت غير محدد مره يوميا او يوم وترك عشان لايتعود الجسم على الزيت ويبطل يستفيد منه 

مااقدر احدد نوعية مفضلة او ماركة معينة لكن لو انوجد زيت منتج من نيوزلندا فهذا من افضل الزيوت 

سبب اخدي للكبسولات مع ان كان باامكاني استفيد من الزيت من مصادر طبيعية هو عدم اكلي للسمك الا قليل  وتخبطات غدائية كوني مغتربة 

لما ااكون بالسعودية اسبوعياً اكل سمك سالمون والجوز والخ من المصادر فماااحتاج هاذي الكبسولات 

بلاضافة الى ان سمك السالمون غالي نوعا ما يعني قطعة طغيرة فقط بستين ريال وماتكون متوفره الا بالمحلات الكبيرة مثل بندة وكارفور والتونه مااخدها الا بالسب واي هههههه واهلي حاطين عليها اكس ! 

عموما هل تعتقدي انك بتجربيه للاوميغا ٣ وتقييمك للريفيو ؟