تحدي ٣٠ يوم نباتي / 30 days challenge

مقدمة..

للتوضيح تجربتي كانت ovo- vegetarian  اوفو فيجيتيرين يعني نوع من النباتيين اللي ياكلو بيض بالاضافة للخضار ! راح اعرض تجربتي على شكل سؤال وجواب  عشان ابسط في العرض ههههه 

ليش تحولتي نباتية ؟

الفكرة مو جديدة من زمان افكر بهالشي بس كنت انتظر تلوع جبدي من اللحوم يمكن او خايفة اموت من الجوع وانا آكولة احب الاكل !بالبداية من ايام استراليا وانا مااكل لحوم بكثرة لان اللحوم هناك مو متوفرة او اكسل اطبخها وغير كده طعمها غير ومرة مختلف ! الدجاج كأنو ديك رومي !  واللحم الاسترالي غير طعمه < فيكم تجربوه يجيبوه في بعض السوبر ماركتات ! والسمك نوع واحد يعجبني ويسمى "دوري" ! كنت اكل بقوليات وخضار واذا توفر اللحم اكلته .هالفترة اختي كانت تشجعني اصير raw veggie يعني اكل خضار وفواكه نيئة بدون طبخ طبعا كلام وماسوينا هالتحدي ! قررت اصير نباتية لاني مليت من الاكل المعتاد وابغا اجرب شي جديد ،بشكل عام انا مهتمة بالصحة وفكرة ان اللحوم فيها هرمونات وملوثة تخليني افكر مية مرة قبل مااحط اللحم بفمي ! قلت خلينا نجرب وش ورانا ! :@@

ليش ثلاثين يوم ؟

ببساطة مدة كافية عشان اشوف تغيير ، مو معقولة باجرب اسبوع واقول ماتغير شي ! ثلاثين يوم مدة كافية ! بالإضافة يقال ان في حديث للرسول صل الله عليه واله " ان اللحم ينبت اللحم ، ومن ترك اللحم أربعين صباحاً ساء خلقه ). 

نوعية الأكل خلال الثلاثين يوم؟

انا دقيقة بنوعية غدائي من درست  مادة في الجامعة  عن التغدية وانا متأثرة ! وبصراحة مابغا اغير جسمي  او اني اصير نحيفة واتضور جوعاً ! ابغا اكون صحية مش نحيفة يعني النظام ابدا بدا ماكان بغرض إنقاص الوزن !

طبعا االشهر اللي فات اخدت روحي على السوبر ماركت وعبيت عربة كلها خضار وجميع الانواع هههههلدرجة اللي يوزن الفواكه صار يرتب العربة بنفسه << عندي مشاكل بالتنظيم 

نظامي ثلاث وجبات فطور وغداء وعشاء  الفطور احرص انه يكون مشبع راح اعطي مثال ليوم واحد فقط 

• الفطور 

نبدي  بتين مجفف قطعه واحدة / بيض او فاصوليا او فول / توست اسمر /حليب صويا /ننهي الوجبة بزيتون 

•  الغداء

صينية بروكلي وزهرة وبطاطس مع صلصة بيضاء بالبقدونس والبهارات الايطالية :@ /شوربة قرع

• العشاء

فواكه الانواع المحببة /مكسرات 

• شرب الكثير من الماء/في ايام كنت ماحب افطر فكنت اكتفي ب ٧ تمرات وماء

 التغييرات .

انطباع عام :

طبعا الشئ ما كان صعب مو مثل ماتخيلته ! انا كنت افتكر اني باظل طول اليوم جوعانة وطلع العكس  انا اكل وجبتي واكون شبعانه على مايجي وقت الوجبة الثانية !

بالنسبة للفكرة ان الاشياء هاذي يبغا لها ميزانية ، الفكرة غلط الفواكه والخضار متوفرة وارحض الاسعار ذا تبغي تشتري كميات اشتري من محل مخصص للفواكه والخضار 

المطاعم ايضا دايما توفر اطباق خاصة للنباتيين اذا ماكانت اساسية راح تكون جانبية وسهل تلغي اللحم وتطلبيها بدون لحوم !بالاخير هاذي خيارات مستهلك 

السالفة مافيها اي نوع من انواع الحرمان بالعكس راح تكتشفي اطباق جديدة واكل جديد .وخيارات صحية اكثر يعني لاارادي بتشتري اشياء صحية وتبعدي عن المعلبات والخرابيط

من ناحية صحية ..

• لاحظت التغيير الكبير في النوم ، انا عندي مشاكل بالنوم اعاني من الارق من سنين ، اكتشفت اني لماا احط راسي عالمخدة انام نوم عميق ! التفسير الوحيد هو ان الخضار هضمها اسهل بكثير ..اللحم معروف علميا ان صعب الهضم ويحتاج انزيمات خاصة لهضمه ويأخد وقت اطول ، طبعا اقاربي المعارضين قالوا لا هذا من التعب مو قادرة تتحملي فتنامي من الجوع 

• انا كنت احس بنشاط عجيب مافي سالفة انو بطني منتفخ او احس بالتخمة ومو قادرة اتحرك بالعكس قاعدة اكل كمية خضار كبيرة بس  انا خفيفة .
• البعض يقول البقوليات تسبب إنتفاخ ! خطأ هذا الاعتقاد بالعكس هي سهلة الهضم لكن يفضل انك تاكليها مع كربوهيدرات .
• اكيد خسرت وزن بس مو كبير ويخوف   خصري نحف كثير ،اعتبر تشكل جسمي للاحسن طبعا انا ماخدة قياسات قبل وبعد :@!الصدمة بالاسابيع الاخيرة مو الكل كان يدري بنظامي وحدة من خالاتي شافتني تقول وجهك مليان اكثر وعمتي تقول وجهك مورد عاد انا مالاحظت على وجهي لان كل يوم اشوف الشي الغريب واللي ماكنت متوقعته انه وجهي يصير فيه خدود انا كنت متوقعة ان بينحف وجهي !بس هو شي طبيعي لاني باكل حبوب  والحبوب تحتاج هضم اكثر والكربوهيدرات تنههضم بالفم لهذا اذا تبغي تضعفي اهضمي عدل مو تبلعي الاكل لان نص السالفة بالفم 
• طبعا نضارة في الوجه والبشرة بشكل عام ! وممكن تسوي سيرش سريع بقوقل لاشخاص قبل وبعد نظامهم النباتي  وتشوفي الفرق 
• الشي اللي لازم تذكريه وتشيكي عليه قبل هو فيتامين B12هذا الفيتامين ماينوجد الا باللحوم ، طبعا هذا صعب تخسريه يعني يكون مخزن بجسمك لاعوام والحمد لله ماعانيت من نقص او اعراض نقصه ،معظم النباتيين مايقدروا يعوضوا هالفيتامين .

تذكري  باب  دخول الطعام للجسد هو الفم والذي خلق هذا الجسد وضع لك  الخريطة على الباب :

عشرون مطحنة لتأكل الحبوب والحنطة والشعير والبقول 

ثمانية قواطع لتقضم الخضار والفاكهة

اربع انياب فقط لتنزع اللحوم  

يعني بمعنى آخر يجب ان يكون ٧٠ ٪ من طعامك حبوب وعشرون بالمئة خضار وفاكهة وعشرة بالمئة فقط لحوم 

فكرة انك تحول نباتي وتعتمد على بقايا غداء بيتكم ماتنفع ، نصيحة اذا اتخدتي قرار تحملي مسؤوليته ، انا اعرف كل شي احطه بفمي وش فيه ! طبعا من ناحية هرمونية ماتغير شي لاني سليمة من هالناحية طبعا لاتنسي ماتناولت ولامنتج  من منتجات الحليب يعني بدون اجبان او حليب نفسه ، كنت اشرب حليب الصويا اللي فيه نسبة علية من هرمون الاستروجين النباتي <الذكور يفضل مايشربوا هالنوع من الحليب ويدوروا خيارات ثانية مثلا حليب اللوز ، حليب الرز ، حليب جوز الهند

• الحمد لله بالنسبة لتساقط الشعر ماتساقط شعري ،اظافري اقوى احس وماقصيتهم صار لي ثلاثة شهور لانهم ماتكسروا طبعا كنت اقلمهم بمعنى اقصرهم شوي 
• في تغيير بالاسبوع الثالث وهو لاحظت وجود كدمات في الارجل ، عاد انا رحت بحث وش هذا  يمكن مس عاشق هههههههههه ، المهم انها اسبوع واختفت !والاسباب ابحثوا عنها 
• نقطة مهمة للبنات كثير منكم يقولوا انهم نباتيين وياكلوا جبن ! وطايحين بالسكريات واكل اصلا مايصنف انها اكل او مو صحي وكله دهون هذا مو نباتي هذا "صفاعة" هههههه آسفة بس الموضوع خطير ويأثر على صحتش واجد وهرموناتش !
• بشرتي انقى رويانة اكثر وناعمة اكثر .. الكل يقول عطينا نظامش حرفيا !معلومه ممكن مو مهمه وهو منتجات اللحوم والالبان تزيد نسبة الميلانين بالجسم اذا تبغي تان في الشتا :@

• مغالطات :

• بتقولي لي انا بنت ممكن يأثر علي واحنا مشهورين بفقر الدم وتبغيني اصير نباتيه بينشف دمي ! السالفة مالها دخل انش تفقدي دم بسبب الدورة الشهرية السالفة تتعلق بغدائش ببساطة
• الدورة الشهرية مقدار الدم اللي تفقديه تقريبا هو غطاء الدوا والباقي كله mucus & membrane 
• الحديد موجود بالخضار الورقية ومو مشكلة حتى الخوخ فيه حديد ترى الدم مكون من حديد ونحاس وزنك ومهاذي مغالطة انه يقولوا لك انتي تحتاجي حديد وانتي تزغدي بالحديد ومايتغير اي شي  للشهور وسنواتالا انه يصير عندش امساك من هالحبوب ، مهم تعرفي  وش ناقنصنك بالضبط ، الطب ترى تطور
• سبب تكيس المبايض وطول أيام الدورة الشهرية لحد فقر الدم والشحوب وتساقط الشعر والنسيان وبرودة الاطراف والاكتئاب وسواد تحت العين  وحب الشباب والحساسية المفرطة ولوعة الجبد وظهور الكدمات والشعر في المرأة هو ارتفاع هرمون الذكورة بالمرأة ! من المسؤول عن الرتفاع هرمون الذكورة ؟ معدن الزنك :@
• كيف اصبح انثى ؟ وازني بين معدنين النحاس والزنك عزيزتي :@وازني بين كل المعادن !
• المفترض للمرأة ستة وعشرين يوم هرمون أنثوية تبرز جمالها ورقتها وانوثتها وثلاثة عشر يوم هرمون ذكري لتزيد قوتها والرغبة الجنسية  ليش ؟ لتكون مستعدة للحمل  وثلاثة ايام فقط  فقط هرمون ذكري للدورة الشهرية وتختفي جميع ماكتبته من هرمون ذكري فيزيد جمالها كل يوم يزيد دمها حتى الدورة المقبلة فيختفي شعر الجسم بالكامل :)

هل تفكري تحولي نباتية للابد ؟

لا طبعا بس شهيتي للحوم قلت كثير وصار خياراتي صحية أكثر ، من دراستي  للتغدية مقدار اللحم اللي تحتاجة قد كف يدك بس !!!

أسألوني لو حابين:)

Dry brush Detox /ديتوكس الجلد -التنظيف الجاف...

مقدمة..

الموضوع منتشر بكثرة هالفترة لكنه قديم جدا وتقنية متداولةعند القدماء ويقال ان الهنود كانوا ينظفون جلودهم بالرمل الجاف ، قبل ثلاثين عام او اكثر الاسكندنافيين  والروس اول من اوجد هذة التقنية.

المعروف علميا أن الجلد هو أكبر عضو في جسم الانسان وبعض العلماء  يطلقوا على الجلد لقب "الكلية الثالثة"، كالعادة مو كل التقنيات يصدق عليها من قبل الاطباء لكن الاكيد انها وإن كانت غير مجدية او مفيدة هي غير مضرة . 

التنظيف الجاف سريع ، رخيص ، سهل ! والاحلى تحسي بنظافة وفريش وكده :@

مزايا التنظيف الجاف ..

اختي تقول كلما قلتي تنظيف جاف اتذكر الغسالة ههههههه.. ماعلينا من الخيالات خلينا دايركت 

• ديتوكس وتنقية يعني تخليص الجسم من السموم، نقدر نقول نساعد الكلية والكبد ..
• تحريك الدورة الدموية في الجسم وهذا يساعد الغدد اللمفاوية والغدد العرقية ايضا واللي راح ينعكس على:
• التقليل من مظهر جلد الدجاجة <<تعرفي كيف جلد الدجاجة يعني البنت اللي لما تسوي واكسينق او حلاوه تصير لها نقاط حمراء هذا جدا يبشع الجلد وممكن البنات ماينتبهوا له .
• مع اللمارسة بتحسي ان رياضة للجلد ، البشرة تصير مشدودة وممكن تحسي انك فقدتي وزن لان الدهون تفككت حق السليولايت العنيدة ،
• طبقة الجلد الميتة تختفي ويصبح الجلد ناعم جدا 

طريقة الإستخدام ..

• يفضل انك تعمليه بالصباح عشان بالليل جسمك  اشتغل وسوى الشغل وخلص
  • من اسمه جاف استخدمي فرشاة جافة ، اللي بالصورة من بودي شوب شريتها ب ٥٦ ريال تقريبا في شكل ثاني دائري بس يفضل تاخدي هاذي عشان يسهل عليش الوصول للمناطق الصعبة  مثل الظهر مثلا 
  • ابتدي من اخمص قدميكي وافركي باتجاه القلب ،طبعا جسمك يكون مش مبلول ابدا ولو سويتيه على ارضية خشب ممكن تلاحظي قد ايش جسمك مغبر ههههههه
  • باتجاه القلب مش فرك وانما تمشيط باتجاه واحد واذا عندش سليولايت ركزي عليهم ،منطقة الافخاد يكون التمشيط الى الداخل  بشكل انصاف دوائر ،البطن ممكن يتمشط بس بالهداوه لان المنطقة مال البطن ارق شي عند المرأة لهذا بعض البنات تقول لي بطنها اسمر ، الصدر ابعدي عنه واذا مصرة تشمليه بالعملية ابتعدي عن المنطقة الرقيقة اكيد --" ولاتنسي الذراعين والاكتاف . 
  • ممكن تاخد منك العملية ١٥ دقيقة ومع الايام بتتعود يدك وتصيري سريعة ويمكن تاخد خمس دقايق .
  • بتلاحظي شوي احمرار هذا الشي عادي وممكن اول شي تقول انه يشمخ بس احس عادي اهم شي مو تروحي تشخبطي روحش وتقولي بيرلوز قالت ههههههههه ، يعني انتي عارفة درجة تحمل جلدش مو تهرشيه !
  • طبعا بعد هاذي العملية لازم تسبحي عادي ولا تنسي ترطبي جسمك بالزيت المفضل عندك
  • ممكن تطبقي هالعملية مرة بالاسبوع على الاقل اذا تبغي نتايج طبقيها يوميا.  

  • تحذير

    لاتستخدمي هاذي التقنية وبشرتك مجرحة،او تعاني من ترقق الجلد !او اذا عندك دوالي!
    لاتحطي الفرشاة هاذي على وجهك !في فرشاه صغيرة مخصصة للوجه !
    
    •  
    بالنسبة للوجه ، الرجال انصحهم بهالطريقة لان بشرتهم اكثر سماكة وممكن تفركي وجهك بالفرشاة المخصصة للوجه يوميا !لمدة ٣٠ ثانية مثلا اذا اول مرة !
    اذا شعرتي بعدم الراحة من هالطرق توقفي عن الاستعمال .
    طبعا الوجه تحتاجي فرشاة خاصة ، منظف للوجه مناسب ، مرطب ولاتنسي تبتعدي عن  المنطقة المحيطة بالعين .
    طريقة تنظيف الوجه باختصار من الرقبة للفوق وبحركات دائرية وخليكي رقيقية هههههه
    
    
    
    • اي سؤال احنا حاضرين :@
     

عبق أنثوي ،، YARDLEY London /ENCHANTEUR Paris 

جاني طلب أتكلم عن كريمات معطرة للجسم ، سبق وعرضت انواع بالمدونة ،وحبيت أتكلم عن هذا الشي القديم اللي محد يذكره او يلتفت له .خلينا نبتدي من اليمين ..

Enchanteur /أنشانتر 

 العلبة الاولى اللي فيها ورد موف او بنفسج عبارة عن جل إستحمام ، ريحته خيال ريحة  اسمها "اللورينق'  Alluring ، تعرفوا العظور الفرنسية هذا مثلهم ، جميل جدا جدا وحبيته ..

العلبة الثانية بودرة التلك "شارمينق " charming ,ايضا رائعة احس هالماركة ماتغلطي معاهم عطور رائْعة وثابته وريحة تدوم ..

طبعا منتجاتهم تجنن كلها وعندهم عطور وبودي لوشن ، وبودي مست وحتى ديودرنت ..

Yardley/ياردلي 

كم ياردلي ،كم ياردلي سمرة قتلتيني ،خافي من رب السما وحدي لاتخليني <<<دخلت جو 
ترى ياردلي بالتركي معناتها حبيبتي <:@

ماعلينا اعتقد هاذي تعرفوها الماركة  شفتو العلبة الصغيرة الخضرة هاذي الكريم الشعر الا اللول كل نساء السعودية يستخدموه وسر الشعر الجميل مع ان ريحته مثل الفكس بس يعطي لمعة حلوه للشعر ، جربوا بيتنا كريم جديد نزلوه على لوز قوامه كريمي مو زي ده شمعي<<عندي الاخضر ده احسن من كريم بالمرز مايقبط احس ! ، جيد نوعا ما عن نفسي ماحب الكريمات شعري ذهني ينقط سمن --" .

yardley english lavender / انجلش لافندر

طبعا هاذي الماركة قديمة قديمة من عام ١٧٧٠ م يعني قبل ٣٢٠ سنه وهي موجوده وعلى فكرة كانت خصيصا للعائلة المالكة باانجلترا ، ومعروفة بزيوتها العطرية بعبير قوي ونوعية عالية ..

إنجلش لافندر العلبة البنفسجية تعتبر رقم واحد بالنسبة لهالماركة تستعمل الخزامى الانجليزية من أجل الاسترخاء وطراوتها وتأثيرها ضد التوتر.جربوا بودرة التلك مرة هادئة وحلوة ..

الياسمين (Jasmine) 

وهي مجموعة مستوحاة من أزهار الياسمين، إحدى الزهور الملكية الرائجة، وذات الخصائص المهدئة. هذاك اليوم قلنا لاحدهم يشتري وسحب علبة من الرف وتورطنا بصراحة ماحبيت الريحة مرة ماعجبتني قوي ويعور الراس ماحبيت ابدا ابدا وهو في الصورة العلبة الخضرا ، لكن الناس اذواق ههههههه .

  ساندالوود (Sandalwood)

، مستوحاة من الصيف الهندي، وهي مزيج من المتعة والغرابة بفضل عطورها اللاذعة، ومزيج من الزهور ذات الروائح الخاصة. رائعة  حبيتها بعنف ، وتظل ريحتها بقوة ..

lilas  الورد الاحمر
جربت بماء الورد من فترة وكان مكتوب عليه للتفتيح حلو بس ريحته ماء ورد ، ماصورته لان رميت العلبة :)

- طبعا في مجموعة خاصة بالرجال ومرة حلوة (Original)، اكيتي (Equity)، جنتلمان (Gentleman)

-هاذي الماركة في لها اشياء حلوة كثير الا هي مجموعة اللافندر سبا وللحين ماشفتها هنا عندنا لانمو كل الاشياء يوفرونها عندنا :|

فيه مثلا مقشر الجسم او بودي بولش ، وزبدة الجسم ،باث كريم، سبراي ، بودي اويل والخ 

طبعا طريقة الاستخدام ،استخدميه عادي ، ترطيبه مو ترطيب علاجي بس حلو وناعم ركزي على مناطق النبض مثلا وبودرة التلك اني مااحبها ومااستعملها بكثرة بس لو كنتي تحطي حطيها على الملابس مو عليش وشوفي الفرق ريحة ثابته ونظافة  كل ماتحركتي ..

متوفرة بالسوبر ماركتات :) والاسعار مناسبة جدا وللاسف مااذكر  بس مو غاليين ابدا ابدا .. !

DIY:YOU MAKE ME COCO "COCONUT+COFFEE BODY SCRUB.

دي اي واي يعني إعمليه بنفسك :)

مكوناته :

• قهوة ويفضل تكون تركية لان حبيباتها خشنة وعادي لو تكون حثالة يعني بقايا القهوة بعد غليها.
• زيت جوز الهند
• ملح بحري خشن

• بودرة كاكاو خام .

الطريقة ..

اخلطي المكونات بحسب حاجتك ،احرصي ان يكون الخليط ليس بالخشن او السائل جدا يعني كمية الزيت اقل ..

عند الاستحمام بللي جسمك بالماء الدافئ جدا ، ابتعدي عن الماء دلكي جسمك بالخليط بحركات دائرية اتركي المقشر مايقارب العشر دقائق او اكثر ،اغسلي جسمك كالمعتاد ويمكنك الاكتفاء به دون الحاجة للصابون << حليلي واني عربي فصيح ههههه

رطبي جسمك اكيد لان تقشير بدون ترطيب كنك يابو زيد ماغزيت :@

المتوقع منه ... فوائد القهوة عجيبة للبشرة القهوة من اقوى مضادات الاكسدة ، مفيدة جدا لـ

• محاربة السليولايت
• السترتش مارك
• عدم توحد لون البشرة
• البشرة الجافة
• الندوب . من اول استعمال راح تلاقي البشرة ناعمة جدا جدا بتحسي انه مايحتاج ترطيب ، اتوقع بتدمنيه

ممكن تستغربي المكونات لكنها مختارة بعناية ومفيدة جدا ..

سكراب الوجه "جاموكا"

سميته جاموكا تيمنا ب بالايسكريم اللذيذ اللي بباسكن روبنز اللي على قهوة ، هذا ايس كريمي المفضل
تحتاجي..

• طحينية م ك
• قهوة تركية م ص
• نشا م ص
• ماء ورد م ص
• كاكاو حسب الرغبة

اخلطي المكونات ضعيها على وجهك ٣٠ دقيقة واغسلي وجهك بالماء البارد ..

خبروني النتايج وطنشوا وبتشوفوا شغلكم --"

 
Spongeables "Anti-Cellulite Body Wash In a Sponge" from Bath and  body carmel 

موضوعنا اليوم عن هاذي اللوفة للاستحمام الجميلة  ٦ في ١.. بعيدا عن اللوفات العادية او الاسفنجات هاذي اللوفة مبتكرة وتوفيرية ..

هذا الاختراع يوفر حماية للبشرة من السليولايت ومضادة للاكسدة وعلامات تقدم سن البشرة وايضا عامل ترطيب 

للبنات اللي مايعرفوا ايش هو السليولايت  ! السليولايت باختصار جلد يشبة قشرة البرتقال ممكن ماتلاحظي بس جربي تمسكي الفخد مثلا وتجمعيه بيدك ممكن تلاحظي هذا الشي عندك .. ماراح اتكلم عنه واجد لان ممكن افصل بمدونة ثانية عن هذا الموضوع وكيفية التخلص منه .. للعلم فقط حتى النحيفات ممكن يعانوا من هذة المشكلة ..

اللوفة هاذي على حسب ماهو مكتوب عنها بالكرتونه انها بتحسن نوع الجلد مع كل إستحمام ..

هي عبارة عن وجهين الوجه الاول خشن بعض الشي يذكرني باللوفة المصرية وهذا المخصص للمساج عالبشرة والوجه الثاني رخو وناعم ووصابونه منه وفيه 

طريقة الاستعمال 

الماء يكون دافئ وتبلليه شوي وتفركي جسمك بالجزء الخشن بطريقة دائرية علشان تتحرك الدورة الدموية في جسمك صح ! بعدها بللي جسمك مرة ثانية وتقلبي اللوفة بالجزء الاسفنجي وتفركي جسمك مرة ثانية ، الصابون اللي يطلع من الاسفنجة ريحتو جميلة ومايجفف لان من مكوناته الجلسرين وريحتو مرة حلوه لافندر ومن مكوناته الاوركيد والشاي الاسود وقشر الجريب فروت ..

الجميل بالامر ان اللوفة بتطول معاش يمكن شهر او اكثر استعمالها بس عليش تبلليها وصابونها فيها ، من اول استخدام تحسي بالنظافة والانتعاش ..

انا مع استعمال اللوفات الخشنة ، انسي الاسفنجة اللي تجي مع سائل الاستحمام هاذي ماتنظف ومع الايام بتتكون لك طبقات من الجلد االميت وهاذي احد اسباب عدم توحد لون البشرة للكثير من البنات ..

جربوا هالليفة هاذي ، تجربة حلوة وباكررها توجد انواع مختلفه وفي مخصصة للاقدام بس ماجربتها

سعرها اعتبره غالي ٦٥ ريال من باث اند بودي كارميل

Detox yourself ... نظام الديتوكس / 

اهدافه ..

النظام هذا ببساطة يعتقد ب إنه يساعد على إزالة السموم من الجسم ، موجود من عصور لكنه مشتهر بالفترة الاخيرة جدا ، علميا لحد الان ماثبت دلائل بانه ناجح او فعال ، لكن معظم اللي جربوه على الاقل شعروا بأنهم اكثر تركيز اكثر راحة وعندهم طاقة اكثر والبعض خسر  من وزنه اوالحرق فعلياً زاد،ليش كل هذا صار ممكن ببساطة انهم ابتعدوا عن المواد المصنعة او المعلبة ..

ديتوكس لثلاثة أيام او على الاكثر سبعة أيام فقط ..

نظام الديتوكس ممكن يقوم على قاعدة أكل الفواكه فقط  او العصائر ، الاقوياء مثلي جربوا الاكتفاء بفاكهة واحد فقط لمدة اسبوع ، ممكن تبدأي تدريجيا  اللي سويته كان اكل "واتر ميلون " الجح او الخربز او البطيخ ههههه ، ليش اخترت هذا النوع من الفاكهة لانه مشبع نوعا ماء وفيه كمية سوائل كثير يخليني اشعر بالامتلاء ، اكيد بتشعري بالتعب ومااعتقد اني انصح بتجربته لاي احد لانه قوي، البعض يفضل ديتوكس العنب < هذا النوع من النظام جدا قاسي ولاانصح به ويكتفى به ٣- الى ٥ ايام وممكن تفقدي الكثير من السوائل في الجسم وبعض العناصر المهمة لتوازن الجسم  ..

في نوع وهو الاكتفاء بالفواكه يعني فواكه متنوعة ، الاكثار من الفواكه الحمضية " الجريب فروت ، البرتقال، الليمون، يوسف افندي " وخلطها مع الفواكه الاخرى او اكلها "raw"يعني من دون طبخ او اضافات ..

نظام ديتوكس السوائل وهذا يقتصر على شرب السوائل الطبيعية واكيد راح تفقدي الوزن لكن مجرد ماتعودي الى عاداتك الغدائية راح تكسبي الوزن اللي فقدتيه .. 

كل اللي تكلمت عنه لاانصح به ابدا انا عندي اعتقاد ان الانسان يحتاج جميع العناصر الغدائية وكل شي بتوازن !!

في نوع اخر وهو نظام الاقتصار على الفواكه والخضروات معا ً هذا الاقل حدة لان  راح تتوافر اغلب العناصر الغدائية من الياف وبروتينات ومعادن .. 

وهنا يمكن الحصول على الالياف من :

فاصوليا بجميع انواعها ، التفاح ، حبوب الصويا ،التوت والا رض شوكي .

يمكن الحصول على البوتاسيوم من :

الجزر ،الموز ، البطاطا ، البطاطا الحلوة ، الخضروات المطبوخة 

يمكن الحصول على فيتامين c :

الكيوي ، الفراولة ، الكيل ، الزهرة ،الطماطم ، البرتقال ، المانجو .

يمكن الحصول على الفوليك من :

السبانخ،البطيخ ،الهليون ، البرتقال ،والفاصوليا السوداء 

يمكن الحصول على الدهون من 

جوز الهند ،الزيتون ، الافوكادو ..

راح اذكر بعض المشروبات اللي جربتها اكثر من مرة وبعض ميزاتها وفوائدها ..

lemon water drink .

قبل مااتكلم عن هالمشروب احب اذكر ان الماء هو المشروب السحري على مر الازمنة والعصور "وجعلنا من الماء كل شئ حي " اذا تبغي تخلقي ذاكرة جديدة وشخص جديد اشربي ماء  ، الماء ببساطة يعمل على التوازن الحيوي في جسم الانسان ، يساعد الكلية على فلاشن  السموم حقك يعني تصريفها والتخلص من النتروجين واليوريا ..

ببساطة انقعي شرائح نصف ليمونه مع عص النصف الثاني و إضافة اوراق النعناع الى اكواب الماء اللي راح تشربيها وابتدي يومك بكأس منها يعني على الريق ، الطعم حلو ومنعش ! وممكن إضافة انواع فواكه اخرى مثل شرائح البرتقال ، الخيار ، او الجريب فروت ، التفاح ممكن وكل الفواكه المحببة ، راح يحببك في شرب الماء اكثر وممكن اكل الفواكه بعد شرب الماء المهم منقوع الفواكه جدا مفيد لان كل الفيتامينات راح تكون بالماء ومن المتعارف عليه ان السوائل اسهل امتصاص بالجسم ..

• تذكري تنظيف اسنانك لمنع التآكل الحمضي من الليمون والاعتدال بشربه ،، 
• ابتعدي عن السكريات ، الكافيين خلال هالفترة للاستفادة القصوى من هالبرنامج والتعود على التقليل منها  لما بعد البرنامج .

 مشروب آخر ديتوكسي ..mint plus ginger ,green tea lemonade

• ٤ ك ماء 
• ٤ أكياس من الشاي الاخضر 
• ١/٢ ك نعناع 
• ١/٣ ك زنجبيل 
• ١/٤ كعسل 
• ١/٣ ك ليمون 
• شرائح ليمون 
• أغلي الماء ، أضيفي الشاء والزنجبيل ، الزنجيبيل من الخضار الجذرية يعني يجب غليها للأستفادة من الزيوت الطيارة حقها عكس النعناع اللي يتنقع بدون غليه  ، اطبخي لمدة ٣٠ دقيقة  واضغطيه لاستخلاص جميع المكونات وأضيفي الليمون والعسل ثم يسرب باردا .
• اشربي الكثير من الماء خلال اليوم لان بتفقدي سوائل كثير ..
  

  العصير الاخضر ..

  هذا العصير جدا لذيذ ويمكنك التلاعب بمكوناته ..
  
  • تفاحة خضراء 
  • جزرة< أستخدمي عصارة الجزر  لهذا العصير  لاتكسري خلاط امك هههه
  • زنجبيل المقدار طول اصبعك < بيعطي حرارة شوي بس حلو
  • بقدونس "حفنة يد "
  • برتقالة
    شرب عصير الجزر بكثرة ممكن يقلب لونك للون الاصفر اشربي الشي بااعتدال
    وطبعا كلهم  تشربيهم على الريق والتنويع حلو وكلي وجباتك عادي
    راح تلاحظي النشاط ، ممكن باول ايام الديتوكس يصيدك جفاف بالوجه او حبوب << هذا مؤشر جيد ان جسمك يتخلص من السموم . او بالعكس يعطي اشراقة للوجه وحب للماء 
    

    إن شاء الله مانسيت شي ... اي سؤال نحن حاضرين  :@

    * يرجى توخي الحذر لمن يعانون مشاكل صحية ..لاينصح به ..

INGLOT nail polish "the best so far !"طلاء الأظافر من إنجلوت 

مادري إذا سمعتوا بهالماركة من قبل اولا لكنها الماركة المفضلة ليي، من اول مافتحت المدونة والبنات يسألوني عن أحسن ماركة مناكير ، عن نفسي أفضل هاذي الماركة ومهما شريت ماركات اخرى اعود لها ..

تعتبر اول ماركة اخترعت المناكير "الحلال" على قولهم او "البريثبل" نيل بوليش، يعني طلاء أظافر يتنفس ! فكرته على عهدة الراوي ان يسمح بمرور الماء علئ الاظافر وانا اتوقع ان يسمح بمرور الهواء ! يعني مافي طبقة عازلة  المناكير الثلاثة اللي ورا هم هذول ! ويسموهم O2M ، عن نفسي ماافتي باأحلية وضع هالنوع من المناكير والصلاة بها !"فيس رافع يده" هههههههههه 

طبعا كل االوان متواجدة برف الاو تي ام !يتواجد اكثر من مئة لون ! وتدوخي من الالوان وجمالهم ..

النوع العادي الثلاثة الاولى شكله مختلف لكن اثنينهم مااتقدري تفرقي بينهم يعني سواء شريتي الاول او الثاني بيعطوا نفس اللون ونفس الدرجة ونفس كل شي 

طبعا جودةهذا المنتج جدا جميلة  !يظهر اللون المرغوب فيه! وفرشاته سهلة للاستخدام لكني افضل فرشاة للماركة ثانية<< هذا يعتمد عليش انتي بالفرشاة ممكن انا يدي مرنه على دي الفرشاة وانتي لا وهكذا 

الجميل ان اللمناكير يطول عندك بدون مايتغير قوامه يعني  يثقل او يجف الحمد لله كل الالوان اللي عندي ماتغيرت عكس بعض الماركات الثانية 

الحلو ان الكولكشن حقهم يجدد دائما والخيارات كثيرة وعندهم مستلزمات او مكملات للمناكير 

مثلا برودكت عشان يرجع مناكيرش المفضل اذا خرب او جف << حلوة الفكرة بس افضل اشتري مناكير ثاني بسعر هذا المنتجج !

كمان عندهم قلم او nail polish corrector لو لاسمح الله تبهدلتي ودغبشتي اللوحة الفنية ماتمسحيه كله تاخدي القلم وتمزحي الزايد  ويكون مناكيرش نظيف ومرتب <<احسه must have ! لازم يكون عندك ...

جربت مزيل المناكير حقهم ! ، ممتاز جذا لكن العلبة صغيرة مرة 

وعنندهم كمان المناكير اللي يسوي اللون مطفي وبدون لمعة ! جميل !

السعر اعتبره كويس ومقارب لاي ماركات ثانيه على مااذكر الثلاثة الاولى اللي هو المناكير العادي ب٤٥ ريال 

والمجموعة الثانية ٦٥ ريال< ان شاء الله عدل السعر  لان دايما مانتبه للاسعار

اعطينا اسماء لماركات مفضلة للنيل بوليش ؟!:)

كريم زبدة الشيا الغنية الملطف

للجسم من جرجنز/Enriching shea butter

ماعندي تجارب كثيرة مع جرجنز اول تجربة لي كانت الكريم اللي بالصبار المريح جدا وهالمرة اخدت اللي بزبدة الشيا ..

طبيعة الكريم ثقيلة بين الزبدة وبين الكريم يعني مو نفس تركيبة اللوشن لازم تدلكي بشرتك عشان يمتصه الجلد  ، يناسب البشرات شديدة الجفاف جدا او اللي تعاني من الجفاف في فصل الشتاء 

لما تقرأي المكونات بكل منتج انتبهي للشئ مهم ، راح تكون المكونات مرتبة بحسب مقدار  المكون يعني لو المنتج تركيبته غالب عليها ماء راح ينكتب اول شي  وهلم جرا ..

المنتج جميل يعيبه زي ماقلت انه ثقيل شوي بس ترطيبه ولااروع ويعطي لمعة رهيبة بالجسم 

لو ماحبيتي ثقله ممكن تستخدمية للاماكن اللي تحتاج ترطيب اعمق من غيرها او فيها خشونة مثل الاقدام مثلا  

رائحته جميلة حبيتها كأنها علك ههههههه ، اختي تقول ماحبتها يختلف الاذواق ..

يعيبه العلب الصغيرة بس تقريبا شهر ويخلص او اقل اذا كنتي تاكلي الكريم ههههههه

بالنسبة للصبار المريح يعتبر جدا حلو وملطف للبشرة خصوصا اذا كنت ببلدة باردة او احترقتي من حرارة الشمس  يلطف جدا ..

معلومة مهمة وحبيتها كريم جوز الهند حقهم يحتوي على زيت جوز الهند اللي درجة حموضته بين ٤ و٦وهي تعادل حموضة سطح البشرة اللي يتراوح بين ٥،٥ او ٤ وهذا يوازن البشرة وينفع مع اللي يعانوا من مشكلة الجفاف 

عن نفسي حبيت المنتج وباجرب أشياء ثانية مستقبلا ...

يوجد على رفوف السوبر ماركتات :)

العناية بالشعر المصبوغ / How to make homemade hair mask /ماسك بروتيني للشعر .

اليوم بنتكلم عن العناية بالشعر المصبوغ وكيف نحافظ على اللون الصبغة اطول مدة ممكنة والحفاظ على اللون حيوي وبدون بهتان ولون نحاسي او برتقالي  مزعج

لازم تحطي ببالك ان صبغات اللون الاحمر تبهت اكثر من الالوان الثانية لانها تكون اكثر حساسية للمواد المنظفة الموجودة للشامبوهات 

اذكر وبقوة اذا شعرك مصبوغ خدي الشامبو المخصص للشعر المصبوغ او شامبو تحسين اللون ،  وتجنبي كثرة استخدام الشامبو مرتين بالاسبوع يكفي ! واشطفيه بالماء البارد لان حرارة الماء تعدم الشعرة وتتساقط بسرعة والاهم تغير لون الصبغة ..

لاتغسلي شعرك قبل موعد الصبغة ولابعد الصبغة كل ماكان شعرك مدهن وفيه زيوته الطبيعية كل ماامتص لون الصبغة واعطى نتيجة احسن واقل ضرر للشعرة لانها بتكون مغلفة بالزيت الطبيعي ومحمية ..

انتبهي من الزيوت الطبيعية واستخدامها على الشعر المصبوغ لان قد تغير لون الصبغة ، الزيوت الطبيعية تنحط على الشعر الغير مصبوغ وممكن تستخدمي زيت جوز الهند او حليب جوز الهند 

سر الشعر الجميل المصبوغ هو ترطيب الشعرة ! الاصباغ تنشف الشعر وتبهت لونه ، تبغي تحافظي عليه وتنقدي مايمككن إنقاذه رطبي شعرك بعمق ، وقصي أطراف شعرك دوريا .

اذا كان شعرك تعبان اتركي الأصباغ نهائيا وعالجي شعرك :)

ماسك للشعر بخلاصة بروتين البيض /Hair mask with egg extracts لجميع أنواع الشعر من ENERGY cosmetics 

باعرض منتجين للشعر جربتهم  وهذا الاول .طبعا الاسم لفتني بخلاصة بروتين البيض  قلت واو شكله ! كلنا نعرف ان الشعر مكون من بروتين ويحتاج بروتين واذا كان مصبوغ يحتاج اكسترا بروتين ههههههه 

فااخدته من دون اي نقاش .

المفترض تحطيه بعد غسيل الشعر  وتحطي الماسك  بالتساوي على الشعر  ويفضل تقسمي شعرش بالتساوي وتكوني كريمة في وضع القناع او اي زيت حتى ! واستخدم الجهاز البخار الحراري لمدة ١٥ دقيق واذا ماتواجد عنك فوطة حارة وعلى الشعر لمدة ساعتين وكل مابردت تسخني في حلة ماي وتنقعي الفوطة وتعصريها وتحطيها عشان يتغلغل الشي بالشعر 

تجربتي مع هالماسك مو مرة، يعني مااحس انه سوا المطلوب ، ماحبيت ملمس شعري كان سيلكي بقوة << ماعرف كيف اوصف 

المنتج رخيص  اتوقع ٢٠ ريال مو ذاكرة ! واشتريته من نزيه  واعطيه ٥ / ١٠ 

المنتج قوامه رغوي كأنه البيض لما تخلطيه بالخلاط ويصير ثلجي ورائحته زينه  !

حماية اللون ماسك إنقاذ اللون / color protect"color-rescue mask للشعر الملون  والمعالج بالهايلايت 

Schwarzkopf - Gliss - Hair Repair With Liquid Keratin

هذا الماسك  فيه عامل حماية من اشعة الشمس ، فعاليته يعطي لمعان للشعر ونعومه 

تحطيه على الشعر المبلل لدقيقة واحدة  ويستعمل ٢-٣ مرات اسبوعيا 

اني استعمله مرة وحدة اسبوعيا   يعني مرة اسوي ماسك ومرة احط ده  وهكذا  ، يلين الشعر ، جيد ! اعتبره بلسم شعر ماتوقعت منه كثير ..موجود بالسوبر ماركتات الكبيره

How to make homemade hair mask / ماسك شعر بيتوتي ..

نجي للكلام المهم ماسكات الشعر التجارية محبطة ولاتتوقعي منها كثير ، كلها مواد كيماوية ويفضل تسوي ماسك الشعر بنفسش وبالبيت وباأرخص الاسعار 

ماسك يفضل للشعر المصبوغ هو ماسك المايونيز  <<اكيد الاغلب ينجلطوا  من هالخبرية بس لحد الحين هو التوب  ويعطي نتائج قوية  وبتلاحظي من اول استعمال 

طبعا اني اكره المايونيز ومااحطه في اكلي واضراره واجد واكل غير صحي << ماعلينا من الصحة 

المايونيز المكون الاساسي له بيض وزيت << شوفي باليوتوب كيف يصنعوا مايونيز بالبيت لو تقدري تسويه تبقي بطله ! اذا ماتقدري اشتري اللي بالسوبر ماركتات 

المكون الثاني في وصفتنا زبدة ههههههههههه والله ماامزح بس الزبده خلاصة بروتين الحليب وهذا اللي نبغاه 

وحطي ملعقة من ماسك شعر عندش بالبيت مثلا ماسك بروتين البيض  اللي تكلمنا عنه ..

اخلطي المكونات زين وحطيها على الشعر مدة ساعتين طبعا ريحة المايونيز بتكرهي الحياة بعدها ! غطي شعرش بكاب الشعر ، واشطفي شطفة اخيرة الشعر بملعقة قهوة "نسكافيه "وماء بارد. اذا كنتي خايفة انه تبغا الريحة بالشعر ، اني اضمن انه ماتبقى اريحة اذا غسلتي شعرش عدل 

النتيجة من هذا الماسك / يعطي طراوة للشعر ونعومة ولمعان ،  يعني شعر صحي حيوي <<صديني الكل بيسأل وش مسويه بشعرك ههههههه !

مع الاستخدام والانتظام بعمل هالماسك بتشوفي البيبي هير كثير في شعرك وهذا مؤشر جيد على النمو يعني يطول الشعر ويكثفه إن شاء الله .. 

حاولي لااتتقيدي بالمكونات المكتوبه ، ممكن ماتحطي المايونيز وتكتفي بالزبدة ، ممكن تحطي القهوة كمكون اساسيمو بس الشطفة الاخيرة  او حتى الكاكاو مفيد جدا للشعر << بس لازم تستخدمي  اجود انواع بودرة الكاكو ! 

حاولي تستخدمي اشياء صالحة للاكل مثلا زيت جود الهند / او بس حليب جوز الهند بدون اي اضافات ثانية ..

خبرينا عن افضل ماسك جربتيه للشعر ؟

Massage oil candle (Fascination) Le Verger shop من زهور الريف 

 

 

شمعة المساج لأسترخاء ودلال من نوع آخر ... تجربة ارستقراطية xD

للأسف ماليي تجارب كثيرة بهذا المحل "زهور الريف" والسبب كثرة الأشياء الموجودة والعطورات لدرجة اني مااعرف وش ابغا وتختلط على الروائح وانا شوي متطلبة بنوعية العطور والكريمات 

هذا الشي عبارة عن شمعة  جميلة جميلة جميلة وفكرتها رهيبة عبارة عن شمعة الزيت اللي يطلع منها نستخدمه للمساج والاسترخاء 

ممكن تشوفي صور بقوقل عن كيفية استخدام الشمعة .بس الفكرة سهلة وفكرة المساج بالاروماثيرابي مشهورة جدا 

وهي المساج بالزيوت المعطرة  ومنها الشمع السائل ..

طبعا لايخفى عليكم  فوائد المساج بتحريك الدورة الدموية وازلة التوتر والغثيان  والتعب من الجسم 

الشمع طبيعي بيكون دافئ وقابل ان الجسم يتحمل حرارته  يختلف عن  شمع البرافين اللي يستعملوه للبديكير او حتى الشمعه اللي تحطيها في المنزل ..

هذا الشمع تركيبته البتروليوم << نفس تركيبة الفازلين  ويضاف اليه بعض الزيوت الطبيعية والروائح الجميلة << طبعا متوفر بعدة روائح او نكهات تقريبا عشر نكهات مختلفة مثل التوت او القرفة انا اخترت ورد :@ 

بما ان تركيبته غير عن الشمع فماراح يتجمد وبالعكس راح يساعد على ازاله طبقة الجلد الميته ويعطي نعومة خيالية للجسم .. ويساعد على تجديد البشرة واعادة تأهيلها :@وطبعا يحتوي على زيت النخيل او الشيا اللي بيعطي ترطيب رائع للجلد 

في انواع كثيرة وكل واحد لها خصائصه اختاري اللي يناسبك 

تجربة رائعة تستحق بصراحة تعيشي اجواء استرخاء وبالبيت وبسعر ٥٦ ريال بس :)

جربيها ...

هنا راح اعرض احسن المكونات  اللي لو رحتي المالديف اطلبيها ههههههههه

There are four types of Massage Candle option that has the function and properties of each;

• Exotic Frangipani frangipani flower with the sensation that serve to moisturize, soften, add nutrients to the skin, and maintain elasticity.
• Tropical Hibiscus hibiscus flower contains properties that are useful as an antiseptic, brightens dull skin and helps reduce cellulite on the body.  Lime Coconut and coconut blend provides a sense of lime which serves to brighten the skin, reduce cellulite, and fight premature aging. If the Coconut Lime suitable for dry skin types. 
• Sacred Lotus good for oily skin because it contains lotus flower extract which is used to delay premature aging, smooth skin, and reduce weight.

لعيون جذابة ..Microfibre Mascara XXL (Maybelline ) & Traceur DesignWP eyeliner (Lancome)..

ندخل بالموضوع بدون مقدمات ، طبعا لايخفى على البنات ماسكرات مايبلين اللي  يكون دائما سعرها مناسب وجودتها ممتازة ، انا اليوم اخترت وحده ماشفت اي ريفيو عليها دايما المديح للماسكرا الفوشية والصفرا .

هاذي الماسكرا من اسمها اكس اكس لارج من ناحية كثافة الاي لاش وسوادهم وكمان تعطي كيرف حلو ..

فكرتها جميلة عبارة عن ماسكرتين وحدة فوق ووحده تحت .

الاولى لونها ابيض واذا حطيتيها بتصير طبقة بيضا على رموشش وبعدها قبل ماينشف الابيض تحطي طبقة من الماسكرا السودا .

عن نفسي حبيتها كأني مركبة رموش << انا رموشي طويلة وفيها كرف  او كيرلي . لو حطيتيها بدون كحل بتعطي نتيجة حلوة وتدوم فتدرة طويلة بدون تلطيخ او سيلان .

اهم شي تتبعي طريقة وضع الماسكرا الصحيحة اللي ذكرتها  في المدونه من قبل ..

كحل لانكوم  ، من سنين استخدمه ومافكرت بتغييره ، ممكن البنات يوجدوا صعوبه باستخدام هالكحل لان فرشاة بس نتيجته روعة ، احب سواده ودقة الفرشاة ونعومتها واحس انه سهل الاستخدام .يدوم طويلا ومكتوب انه يدوم لاكثر من ٨ ساعات وكمان مقاوم للطخات :)

يستحقوا التجربة ...

أفضل ماسكرا او كحل سائل جربتيه ؟ 

 

العناية بالأسنان / فرشاة اورال بي "براون" الذكية ...

 

Oral B Vitality

Precision Clean Electric Toothbrush

اليوم الموضوع ممكن مايحمس كثير ، والبعض يتجاهله ويكون عداوة مع أسنانه لسبب غالبا مشهور وهو " مايعجبني شكل أسناني ". 

نادرا تشوف أحد راضي عن تركيبة أسنانه ، مع أنو أحس كل شخص تركيبة وجهه مناسبه لصفة أسنانه ، وسبحان الله كثيري الإبتسامة ، أسنانهم جميلة . مو لأن اسنانهم جميلة :@ لانهم يكثرو بالتبسم 

ممكن تصرفي أموال طائله في أشياء مالها داعي وتتناسي الاسنان ، الاسنان تغير كثييييير كثير .

تركيبة الفك واتزان ملامح الوجه وعضلاته تتغير اذا حطيتي تقويم مثلا، مو بس كدا سقوط  احد الاسنان ممكن يعفس تنساق الفك العلوي مع السفلي ويأثر بان تكون ذقنك متقدم او راجع لورا ! ومع هذا الناس اي الم بسيط تختار الحل الي مو صاحي وهو " الخلع" . لاتخلعي اي سن من اسنانك ، اختاري بدائل ثانية وطب الاسنان ماقصر :@

بالنسبة للبياض وابتسامة هوليوود اللي نص العالم مطيحين فيها ، استغرب ليش الناس معجبين بها ! عن نفسي ماتعجبني شكل الاسنان هاذي ومره مصطنعة ، 

طبعا البياض  الساطع مادري الناصع اللي يشع من الشاشة ابدا مو محبذ وشكله ينرفز هههه عن نفسي انسى السالفة واطلع بالاسنان ، ولان هذا اللي عليه الطلب عند العرب فتلاقي الاطباء يوفرون هذا النوع من التبييض اللي كنه بورسلان او نوع من انواع البلاط ، البياض الطبيعي للاسنان مو كده وكل بشره بياض الاسنان فيها غير :@ ، المهم مابغا اتعمق في مشاكل التبييض بس كنصيحة انا ماانصح بتبييض الاسنان لانه يسبب مشاكل كثيره جدا  وابسطها  الحساسية ..

العناية بالاسنان عمليا ..

سوي زيارة للطبيب الاسنان كل سته شهور << حافظتنها من وانا صغيره .. والحمد لله  امي وابوي كانوا يودونا من عمر ٥ سنوات حتى لو كانت الاسنان سليمة .. 

نظفي اسنانك على الاقل مرتين يوميا << على الاقل 

لاتكثري من معجون الاسنان نتيفة صغيرة بحجم حبة العدس تكفي 

٣ دقائق << حطي مؤقت عشان تظلي تفركي فيهم لمده ثلاث دقايق :@ اشتري الساعة الرملية << تونس ههههه

طبعا عارفين الاسطوانة < تدخين ، معسل ، حلويات ، خرابيط ، اسنان فتاحة علب << معروف 

لاتنسي لسانك < اللسان ممكن ينقل البكتيريا واذا في بيكتيريا يعني في رائحة كريهة< مرري الفرشاة على لسانك

طريقة التنظيف ..

• مانسيتها ، سهلة وبسيطة << عاد من وانا صغيره وعندي هوس بالاظافر والاسنان << 

• نظفي اسنانك بفرشاة نظيفة يعني مافيها معجون < تنفع للي عندهم جير 

اذا جيتي تفركي مو بعنف << صدقيني ماتنظف الاسنان كده << انتي بس تعدمي اللثه حقتش

• حركي الفرشاة انصاف دوائر وبنعومه ولاتنسي  اللثة واللسان < انتبهي مو تفركي اللثة بس حاولي انك تمرري عليها 

اللثة السليمة وردية ، اما اللي فيها مشاكل تكون بني وغامقة شوي ..

• نظفتي عالجاف اغسلي الفرشاة وحطي معجونك المفضل وفركي ثلاث دقائق 

• اذا تحبي تستعملي المضمضة ، الغرغرة ممتازة 

• لاتنسي غيري فرشاة الاسنان كل شهرين او اذا شفتيها انفرشت << ماعمري شفت فرشاتي انفرشت بس في ناس يدعسوها دعس ههههههههههه.
  

  منتج للتجربة ...

  فرشاة اورال بي من براون/ oral B 

  هاذي الفرشاة جربتها تقريبا من خمس سنوات ، اذكر اني اقترحت على ابوي يشتريها وشكرني على هالاقتراح جدا ،
  جميلة عبارة عن   فرشاة اسنان Braun Oral-B الشهيرة المانية الصنع ،تعمل لمدة دقيقتين متواصلة عند الضغط على زر التشغيل ضد الماء تعمل على  بطارية شحن ..  بالامكان تغيير الرؤوس بسهولة ومتوفرة باشكال مختلفة  يعني بس عليكي تغيري الرأس اذا خربت الفرشاه او احد غيرك بيستعملها وتجي مع كل فرشاه حلقه تركبيها بالوان مختلفة عشان كل شخص يعرف لون فرشته ..
  طبعا معها قاعدة عشان الشحن ، والاجمل في ادوات تقدري تشتريها مثل اداة تنظيف اللسان ، والابرة اللي تعمل كبديل لخيط الاسنان << تناسب وتسهل على اصحاب التقويم .
  جميلة جدا الفرشاة وتغنيك عن زيارة لطبيب الاسنان اذا استعملتها صح ، هيه لما تشغليها الفرشاة تدور وانتي عليكي تمرريها بهدؤ وسلاسة على الاسنان وصغيرة حجما عشان يسهل عليكي توصلي للاسنان ..
  اختراع مهم جدا واحبه جدا ومستحيل استغني عنه الا اذا طلع شي احسن هههه
  تجي انواع احنا بالبيت عندنا ثلاث انواع وكلهم يعطوا نفس النتيجة ...
  سعرها مناسب وتجي بااسعار متفاوته تقريبا ١٤٩ وتشوفيها بصيدليات
  صيدلية النهدي مثلا <<
  الادوات مثل الفرشاة الصغيرة وادوات تنظيف اللسان والخيط  موجودة بالسوبر ماركتات الكبيرة
  
  معتمد  ١٠/ ١٠

بالنسبة لمعجون الاسنان اللي استخدمه هو سنسوداين وجربت كل الانواع السنسودانية واثق بده المنتج كثير مادري ليش 

:@ 

وشكرا :@

خبرونا بمعجون الاسنان المفضل //وتجاربكم الاسنانيةة ومشاكلكم !

Vaseline  اللون الموحد الصحي / خطوات بسيطة للحصول على لون  بشرة موحد بصورة طبيعية ...

الكثير يحلم بالبياض الصارخ ، بالنسبة ليي  اي لون هو جميل ويمثلك ويناسب ملامحك ، المهم لونك واحد مش الوان الطيف وكل مكان بقعة .. 

الشي سهل لان خلايا البشرة تتجدد بسرعة شهريا وسطح البشرة بالذات تجديد يوميا بدون ان نشعر ...

اسباب تفاوت لون البشرة ..

يقولكم "إذا عُرف السبب بطُل العجب " .. !  كل واحد ابخص بنوع بشرتها ومشاكلها 

البشرة تحتوي على صبغة الميلانين ..  تفاوت في نسبة الميلانين داخل خلايا البشرة،  يؤدي إلى لون غير موّحد للبشرة. فينتج عن ذلك بعض البقع الداكنة والبقع البيضاء على البشرة. ففي بعض الأحيان يكون هناك زيادة في إفراز صبغة الميلانين، بينما في أحيان أخرى تقل نسبة إفراز الميلانين.

- البشرة الدهنية متعبة بعض الشئ  واكثر عرضة للتلف وتفاوت اللون  لان خلايا الدهنية ممكن تكون كثيرة في مناطق ومنعدمه في مناطق اخرى  وهذا يسبب ترهل وتغير في اللون 

-التعرض للشمس بدون واقي او حماية ..الشمس تزيد صبغة الميلانين في الجسم 

-اضطراب مستوى الهرمونات ، الهرمونات لعبة خطيرة ، وتأثر بجسمك بشكل ملفت ، لازم توازني الهرمونات وبعدين تبدي بالاشياء السطحية اقصد العناية والكريمات . 

-الأكل "you are what you eat " يأثر جدا بشكل ماتتصوريه على كل شي حتى النفسية ، السموم تظهر على السطح  ! مثال السكريات  تقود الى مرض السكري اللي  يسبب سواد في الرقبة ! 

-تغير المناخ ممكن يؤثر دايما إذا سافرتي حتى لو بلد باردة الجلد يتأثر ، وهذا يدخل ضمن التغيير البيولوجي للجسم 

الخ :) اعتقد كفاية كده ههههه من الاسباب اللي لو كتبناها كلها نحتاج معروض 

خطوات أساسية ..

المهم تبدأي من الداخل 

خلصي جسمك من السموم ، غالبا الزيادة بالوزن تسبب إحتكاك بالجلد واللي يأدي الى سمار ، الرياضة تخلص الجسم من السموم وينعكس على صحة البشرة ونضارتها وتحريك الدورة الدموية ! 

أشربي الماء ، الماء ، الماء " وجعلنا من الماء كل شئ حي " حياة بشرتك بالماء ! أشربي كل ماتذكرتي  ، ضيفي نكهات للماء ، شرائح لمون ، نعناع ، برتقال ، أبتعدي عن العصائر المعلبة ! انا عايشة بدون عصير وحياتي ماشية طبيعي ! عصير معلب يعني سكر! لايغرش كلمة "مدعم" بفيتامين ! الجسم ماياخد شي اكثر من حاجته وكثره الفيتامين تعتبر سموم للجسم !

من الخارج 

من الاخر سر البشرة الجميلة هو : تقشير ، تنظيف ، ترطيب :)

تراكم طبقات الجلد يؤدي الى السمار ، بس انتبهي تقشير بعنف يؤدي الى سمار اعظم خلك وسط لاافراط ولاتفريط .. 

الجفاف ايضا يسبب اكزيما ومشاكل اخرى وانتي تجي تحكي بااظافرك المسننة وتهرشي هرش  فتبقى ندوب وجروح للابد 

منتج للتجربة ..

اللي بالصورة فازلين وهو عبارة عن لوشن ! طبعا انتبهي اللوشن يختلف في قوامه عن الكريم ، يكون خفيف في قوامه وحتى الترطيب ،تتشربه البشرة بسرعة ، أستعملته للأمانة  مرة واحدة لأني  مو من محبات اللوشن 

يعطي نعومة للبشرة جداً جميلة ، توحيد اللون  هذا هو غرضه مااقدر اقول عطاني نتيجة ممكن اقول اشراقة بسيطة  مالاحظت تغيير لان المدة بسيطة لكن اتوقع ممكن تشوفوا  تحسن بالاستمرار المهم اني خلصت العلبة   ..

مكوناته مكتوب ان يحتوي على فايتامين B3

لا تخافون مافيه مواد ضاره ، كل إللي فيه هو فيتامين B3
فوائد الفيتامين "مقتبسة"
خل نشوف وش هو فيتامين ب3

فيتامين B3 ’،
يسمى أيضاً بـ حمض النيكوتينيك Nicotinic Acid اَو النياسين Niacin صورته الفعالة في الجسم هي النياسيناميد Niacinamide

فوائد فيتامين B3 ’،
يساعد في تحسين صحة البشرة وَ تفتيحها وَ تنعيمها يالإضافة لمعالجة تساقط الشعر وَ إندمال الجروح وَ شفاء الحروق

أطعمه غنيه به ’،
يوجد النياسين و النياسيناميد في كبد البقر ، خميرة البيرة ، البروكلي ، الجزر ، الجبن ، دقيق الذرة ، البيض، السمك ، اللبن ، الفول السوداني ، جنين القمح ، منتجات القمح الكاملة ، اللحوم الحمراء وَ الدجاج.

الحصه اليوميه للمرأة يجب أن لا تقل عن 14 مليجرام يومياً

فوائد فيتامين ب ومشتقاته بشكل عام ~

● مكون أساسي في منتجات تأخير الشيخوخة, وَتحسين صحة البشرة, وإحتفاظها بالرطوبة والنعومة, والتقليل من الخطوط الرفيعة.

● عامل فعال يساعد على تفتيح البشرة, وعند استعماله لمدة شهر يلاحظ نقصان في تفاوت لون البشرة, بالإضافة إلى تفتيح لون الجلد, أيضاً تصبح البشرة أنعم وأقل جفافاً وأقل هشاشة.

● يساعد في مكافحة سرطان الجلد وخاصة عند التعرض للأشعة فوق البنفسجية التي تصدر عن الشمس

● مضادة للألتهاب التي تساعد على مكافحة البثور وحب الشباب وتساعد على تورد البشره .

آوكيه آلحين تَطمنآ , فازلين لوشن مُفتح وَ بنفس الوقت واقي من أشعة الشَمس
يعني اللي يَروحون دوامات صباحية , أو يَضطرون يَطلعون عالشَمس يَمديهم يَحطونه*

ممكن تعطيه قوام كريمي باإضافة زيت جلسرين وتحسني ترطيبه ، وأضيفي زيت اللوز المر للبشرة 

السعر : 13 ريال تقريبا  وممكن تجربي الشاور جل حق الجسم 

اعطيه مهلة 3 أشهر عشان تبان الفعالية :@

همسة...

أعرفي لون بشرتك

لون بشرتك الحقيقي :) ممكن تكوني مو بيضاء فتعايشي مع الوضع بكل رحابة صدر ولاتقولي عين ! 

كيف تعرفي ؟

- لون الأذن ، أطراف الاصابع الابيض اطرافه حمراء بينما الاسمر شاحبة  او سمراء 

-المناطق الحساسة ، لون الشفايف

:)

Things Your Nail Salon Doesn't Want You to Know

These secrets about your manicure and pedicure might make  you second guess your next nail salon visit

أسرارالعناية بالاظافر 

هلو، من زمان عنكم..:@

البلوق اليوم عن الاظافر وهذا الاكثر طلبا اني اكتب فيه . مع ان بصراحة وبصدق انا وحده مااعطي اهتمام للاظافر والعناية بها ، واغلب مصاريفي تكون على المناكير لاني من العشاق لها ...

خلينا نبدي خطوة خطوة وان شاء الله المعلومات جديدة وتفيدكم ..وتستغنوا عن الصالونات وتوفروا فلوسكم 

اول شي لازم تعرفوه وتحطوه ببالكم مع كل زيارة للصالونات you are always at risk !

أنتقال العدوى والامراض من استخدام الادوات ممكن يكون قاتل ومؤلم احيانا ،وممكن تكوني انتي الضحية ، ادواتك الخاصة خليها معاك وروحي بها مكانك المفضل اذا ماعندك الوقت والزاغر انش تسوي لنفسش البديكير او المنيكير .

 العناية ...

تبغي أظافر جميلة باختصار ٩٠٪ من السالفة تغدية والباقي عناية ...

الظفر هو عبارةالطبقة الخارجية من الجلد المكونه من المادة البرويتينية "الكيراتين" وهي عبارة عن خلايا ميتة ..

يعني اي شي مفيد للبشرة معناتها يؤثر عالاظافر والشعر لان تقريبا نفس التكوين  واذا عرف السبب بطل العجب 

اساسا ١٥٪ من وزنها ماء مع املاح معدنية يعني كثرة شرب الماء مهم جدا لترطيب الاظافر واللمعه الصحية ..

بالنسبة للكالسيوم مش مكون للاظافر وهاذي معلومة مغلوطة  لكن يتدخل تدخل غير مباشر في العمليات الحيويه وهكذا يعني نقص الكالسيوم وفيتامين د ممكن يؤثر ان تفقد الاظافر مرونتها ويخليها سهلة الكسر .. 

الأطعمة المفيدة لأظافرك:

من الهام أن يتناول الشخص الأطعمة الغنية بالحديد و الكالسيوم وفيتامين (ب) والبوتاسيوم لأنها مواد غذائية مفيدة للأظافر بل ولباقى أعضاء الجسم وتمثل فى منتجات الصويا والكرفس و الزبادى و البيض وفواكه البحر .. ومن الأطعمة الأخرى الهامة لتقوية الأظافر وتغذيتها الوز، الثوم، السبانخ، التونة، القرفة .. أما الجيلاتين فأكله لا يساعد الظفر.

ينمو الاظفر كل يوم بمعدل 0.1 مليمتر ، انه أنه بحاجة من 4 – 6 شهور ليتجدد بالكامل، وقد تستغرق اظافر القدم عامآ كاملآ لتجديد نفسها
الاظافر الصحية تبدو ناعمة ملساء مستديرة استدارة طفيفة وصلبة ولا يوجد بها حواف أو اخاديد، كذلك هي موحدة في اللون وخالية من البقع أو تغير في اللون ،لكن حطوا ببالكم ان اصفرار الظفر طبيعي نتيجة لكثرة وضع المناكير اوالطول الزائد يعني ممكن نقول عوامل تعرية وشيخوخة ههههه

منتجات تدعم اظافرك

نقول للدلال ممكن تستخدمي اشياء تدعم نمو اظافرك وتقويهم  وهي تجارية ومجدية احيانا 

في الصورة في منتجين

 الاول من شركة  " .     kiss

عبارة عن nail glue والمغزى منه repairing مكون من زيت الجوجوبا ، شجرة الشاي و فايتمين E

هذا ممكن استخدامه وقت ماتبغي الغرض منه اصلاح وتغدية للظفر ، وتحطيه على اظافر نظيفة يعني خاليه من المناكير والاسيتون  ممكن بعد تقشير يدك  تحطيه وتنامي ومايحتاج غسيل لان بيجف 

الثاني منتج قوي  مخصص للتقوية الظفر وحمايته من التشقق والكسر ويعطي مظهر لماع وصحي ، عيبه انه ممكن يكون عازل للماء  لانه يكون مثل الطبقة لكنه قوي جدا والظفر يكون ثلاث مرات اقوى يعتبر nail fortifier من مكوناته الكالسيوم وثلاث اشياء مو حاضرني الاسماء لاني رميت الكرتونه ! طريقة استعماله يوضع على الظفر وممكن تجددي الطبقة كل ثلاثة ايام وتمسحيه اليوم السابع وتحطي الطبقة جديدة ! << منتج قوي اول مرة استخدمه !من sally hansen 

زيت بدور المشمش من ماجيك مدعم بقيتامين    تدلكي اظافرك بهالزيت الحلو فيه انه مثل علبه مناكير وفيه فرشاه وكمان ريحته حلوه A ,E

خطوات العناية لكل ثلاثة اسابيع او اربعة 

اول شي عقمي ادواتك، واحضري حوض نظيف وبه ماء اقرب للحرارة وممكن اضافة ملعقة صغيرة بيكربونات الصودا او اي زيت عطري مهدئ للاعصاب وانقعي الايدي او الارجل لمده نص ساعة..

جففي الايدي جيدا بفوطه نظيفة ممكن تختاري مقشر بيتوتي مكون من الحليب والسكر وتفركي يدك وتخليه لين يجف او زيت الزيتون والسكر وهذا ماراح يجف ، غسليه 

قصصي الاظافر بطريقة مرتبه ممكن تغنيك عن مبرد الاظافر وهذا السر  اما الطريقة العشوائية تخلي الظفر يقوم بطريقة غلط وتتعبي من شكل الظفر ! 

ابردي الاظافر وتجنبي المنطقة الجانبية القريبة من الجلد لان ممكن تضعف الظفر ويصبح قابل للكسر بعد ساعه او يوم :@

لمعي الاظافر او اكتفي بطبقة الزيت 

اذا في كيوتكل او الجلد الزائد تجنبي ازالته قد ماتقدري الغلط بالصالونات انهم يشيلو الجلد وهذا يخلي الجلد لازم يتجدد وتضطري تزيليه ، الافضل تطري بماي دافي او بلسم الشعر وتخليه مكانه وهو بيلتئم من جديد ، اما المدمنات على الصالونات فمااادري وشو الحل للجلد هذا !<< يخرب شكل المناكير جدا مهم انه مايكون فيكي اذا كنتي تحطي مناكير .. 

اذا كانت شكل اظافرك صغيرة هذا شي خلقة ووراثي ممكن تتحكمي بطريقه قص الاظافر والمربع شكل مناسب ،، قصي بشكل افقص ولاتكوني قريبه من الجلد 

اعداء الاظافر ... 

نقع الاظافر بالماي !! وانواع المبيذات والنظفات واكلور بعدين تقول اظافري خضرا !!:| اكيد حبيبتي بتصير بالوان الطيف ! 

عدم استخدام الاظافر الصناعيه لانها تهيج الجلد وممكن ينتزع الظفر كامل وحتى المقويات كثرة استعمالها غير صحي ابدا استخدميها للضرورة القصوى 

اظفرك مو فتاحة علب ،، خلي الخبز لخبازه ههههههه والنيل بايتينق يوك يوك يوك !!!

 أدوات ممكن تحتاجيها ..

• مزيل طلاء الاظافر الخالي من مادة الاسيتون 
• مبرد الاظافر 
• ملمع الاظافر او ال buffer 
• زيت مرطب 
• cuticle stick 
• مقشر الجسم او اليدين 
• كريم مرطب لجسم او اليدين 
• الطلاء المثبت او ال base coat 
• top coat  
•  cotton swap

Mask with activated carbon ../ ماسك الفحم لجميع أنواع البشرة"الماسك الأسود " .

سلام قولا من رب رحيم ،

كيفكم ؟ رمضان مبارك عليكم كلكم والله يعودنا ويعودكم عليه باأحسن حال 

اليوم راح أتكلم عن ماسك بيتي من الفحم الاسود ، موجود بكثر بالاسواق بس باإ مكاننا نسوي  بالبيت شي يعطي نفس المفعول وبسعر أقل .

زي ماانتوا شايفين  يلزمنا كبسولات فحم ، طبعا هذا للاستعمال الدوائي ومكتوب عليه لعلاج الإنتفاخ وسؤ الهضم ، عندنا بالبيت بقراطيسه محد أستعمله ولافكر فيه  وجا في وقته هلوصفه ! 

الفحم مشهور كعلاج للبشرة ومناسب لجميع انواعها ، للاحتراز ولذوات البشرة الحساسة باإمكانهم يختبروا الخليط في باطن اليد ويشوفوا التأثير  وبكده يقدروا يسووا الماسك او يتوقفوا عنه .. 

طبعا الوصفة مو من راسي انا بحثت كثير وشفت وصفات كثير انا اخترت المتوفر عندي ..

المقادير :

١/ م ص طمي مغربي 

٢/ م ص ماء ورد 

٣/  ٣ كبسولات من الفحم 

تخلط وتوضع عالبشرة لمدة ١٠ دقائق فقط  ثم تزال بالماء الساخن .

المتوقع : 

المتوقع من الماسك تنقية البشرة وإزالة الشوائب منها وخصوصا الرؤوس السوداء ويعطي سحنة جميلة ايضا 

الفحم شبيه بالإسفنجة، فهو يمتص السموم والميكروبات التي تسبب الاعتلال والأمراض للجسم. وعندما تـُحجَز السموم والجراثيم داخل الفحم، يبطل مفعولها المسبب للمرض*

لما جربته حسيت بشد للبشره وشويه قرص ، بس حبيت مفعوله الوجه يصير يلمع بعده !:@

من أين نحصل عالفحم ؟

طبيعي الطعام المحروق لايمكن إستخدامه ههههههههه   وليس هو الفحم النباتي !

 يمكن الحصول على الفحم النباتي عن طريق حرق الخشب أو الغلاف الخارجي لجوز الهند في مكان معزول عن الهواء - كحفرة مُغطـَّاة في الأرض

الاسهل والاجدى تاخدوا الكبسولات من الصيدلية  ، السعر بحدو ٢٨ -٣٢ ريال فقط 

 Hints :

how to prepare scrub for your skin ?

لو حبيتي تجربي مقشر بيتوتي للجسم 

٢ كبسولة من الفحم النباتي 

تذوب مع م ص ماء 

م ص جل صبار ونفس الكمية عسل 

م ص سكر 

خليها عالبشرة لمده ٢٠-٣٠ دقيقه  راح تجف ، أغسليها 

جربوه والفكرة مستوحاة من ارتوستي  وبعض المواقع الاجنبية :@

 

velvet touch

majestic /raspberry

for future bride ...

هيلو بيوتيز :*

اليوم راح اتكلم عن منتج  جربته ويستحق الكلام عنه بما إنو المحل مسويين تخفيضات هالفترة وفرصة تستفيدي من العروض ، خصوصا انو احنا مقبلين عالعيد ومناسبات كثيرة 

رحلة البحث كانت لغرض <<نادرا اطلع ومااحط ببالي شي اشتريه 

كنت ابحث عن زبدة الجسم 

المحل الاول بودي شوب وكنت متعوده اخد من عندهم شي معين لكن اللي تبيع شكلها جديده وقالت لي ماعندنا هالشي قلت لها لا مستحيل شالوه! قالت ايه الاشياء تتغير وطلعت ،<<شكلي فاضية واقول قصة حياتي . المهم رحنا المحل الثاني وكان سيكريت مادري ايش  وماحبيت الروائح والثالث بعد واخير دخلنا  هالمحل

حقيقة اول شي انا مو صديقة للروائح الفواكه  فقلت لها من البداية ماابغا شي بالفاكهة ! قلت لها خاطري بشي فانيلا

اللي علبته البرتقالية  من كثر الروائح انا كونفيوزد هههههه ماصرت اشم  المهم انا اخدته على عماية !

لماجيت البيت خليت اختي تشم قالت لي خيال ريحتو كأنك عروس ! وحتى الغرفة اللي انا قاعدة فيها اول ماتدخلي بتشمي الريحة الجميلة  ، ريحته مش الفانيلا العسلي ! الريحة تكون فانيلا عودي وده الشي يعطيه فخامة وطابع أنثوي قوي !يعني مو كيكة بتكوني ! << حلو ريحة الكيك !! بس الريحة بتكون مايل للعود بس اخف  ومااعتقد انك تحتاجي للعطر بعدها ..وعلى فكرة يقال ان الفانيلا من الروائح المفضلة لدى الرجال --"

نجي للترطيب هو يسمى كريم اللمسة المخملية يعطي دبل نعومه  بس مااحس بالرطوبه !  يحتوي على زيوت طبيعية وهذا اللي شجعني على اخده منها زيت بذور الكركم ، زيت بذور الالبا ، زيت الزيتون ، زيت بذور الكشمش الاسود  وخلاصة زبدة الشيا .. السئ يحتوي على كحول وبعض المواد الكيميائية يعني مش مئة بالمئة طبيعي ومعطر ايضا .

لما تجي تشتري اطلبي من البائعة دبل تركيز وهي راح تضيف على الكريم زيت وتخلطه وبعدين تحفظيه بالثلاجة لمده ساعة وتستعمليه << دبل تركيز عشان تزيد  قوام الكريم وعشان تتركز الريحة اكثر .. 

الكريم يستخدم ايضا لغرض المساج بما انو يحتوي على الزيوت  بالاضافة الى عمله ككريم 

كمنتج طبيعي <<ماحسيت انه طبيعي مية بالمية  ، كمعطر للجسم ولمسه ناعمه ؟ جيد وممتاز يعني ثابت جدا جدا 

جربت الروزبيري وريحته جميله << تهورت لماا اخدته" لاني مااطيق ريحة الفواكه "  بس كان حلو ريحته ريحة نظافة يناسب للصيف جدا 

كااستخدام يومي < افضل مااستخدمه يوميا  لانه معطر يناسب استخدام الليل وليس النهار لان التعرض للشمس مع الاشياء المعطره قد يسبب سمار 

مناسب جدا للعروسات والمدلالات  والباحثات عن اللمسة المخملية 

يوجد منه مجموعة كاملة من لوشن الجسم  الي الديودرنت 

بصراحة العلب رائعة والتغليف رائع :@ << يجذب 

قوامه مو كريمي تحسي القوام "فرف" لكن تتشربه البشرة بسرعة ..

سعر الكريم / كان في عروض وشريت الاثنين ب ٢٧٠ ريال << جيد  يستاهل سعره 

اسم المحل / natural touch <<< تابع لمحلات نكتار 

جربوه << تجربة جميلة ..

How to do a natural "no make up "look.

how to choose the suitable foundation  for your skin

extra tips :p

اليوم الموضوع ممتع  عالأقل بالنسبة ليي ، لأنو متعلق بالمكياج طبعا وهذا احد هواياتي وشغفي ! بنتكلم عن الفاونديشن المناسب لكل بشرة وكيف نحصل على لوك "النو ميكب " يعني ماكأنك حاطه مكياج. وبنضيف بعض النصايح المفيده ونقترح بعض الفاونديشنات الجميلة ..

كيف أختار الفاونديشن المناسب لي ؟ 

مهمة ممكن تكون صعبة للجميع وللحين مااقدر اقول اني وجدت الفاونديشن اللي يرضيني او ممكن اكون شبه راضيه عن المنتجات .

انا ممكن انصح البنت تاخد فاونديشن من ماركات غاليه جدا وتاخد الاشياء الثانيه  مثل الشادو والخ من ماركات ثانية ارخص  بس بصراحة  بعض الماركات هيه نفسها توفر منتجات للطبقةعالية واللي عندها فلوس وتوفر منتجات بااسم ثاني للطبقه عاديه ! مثال عليها منتجات كلينيك هي نفسها جونسن او جارنييه ! وهكذا لبقية المنتجات .. فلا احد يغشكم او تعتقدي انو ياريت عندي فلوس عشان اشتري المنتج الفلاني لان اكيد في البديل والذكية  هي اللي تعرف تكون جميلة وبحسب ميزانيتها :)

نجي للكلام المفيد ! كيف اعرف سحنتي او لون بشرتي ، مهم نعرف ان الفاونديشن مو غرضه التبييض --" غرضه توحيد اللون وإضفاء نضارة عالوجه لهذا تجنبي  كريمات الاساس الفاتحة جدا لانو بتنعكس على مظهرك بشكل سلبي وتعطي بهتان وطبقه طحينية شادة !

على حسب كلام الخبراء في هالموضوع وده الكلام مقتبس ان الاندر تون   ثلاثة انواع وتحدد عن طريق باطن ساعد اليد  بالنظر للون العروق .

قسموها لثلاثه اقسام ( باردة - دافئة ـ محايدة ) 

- لون العروق أزرق إذن الاندر تون بارد  يعني وردي 

-لون العروق أخضر إذن الاندر تون دافئ يعني أصفر

- لون العروق أزرق وأخضر معا  إذن  اللون محايد يعني تستخدم اي لون 

للتوضيح اكثر الاندرتون الاصفر او الدافئ  ينسابها الالوان الترابية  وهي معروفه "بني / اصفر / برتقالي/ كريمي /احمر غامق/ مشمشي/ذهبي/ أخضر )

اما الباردة او الوردي  غالبا يناسبها "احمر/ ازرق/ بنفسجي/ وردي/فضي / اخضر / زمردي/ ابيض/ أسود "

حتى باختيارك للملابس ممكن تلاحظي ان الاحمرالغامق مثلا يلبق لك اكثر من الازرق  وهلم جرا :)

الحين نجي للكيف اختار ؟

حطي في بالك اشياء كثيرة /هل الفاونديشن يناسب الاستعمال اليومي / تحتاجي طبقة كثيفه ؟ متى تحطي المكياج عادة بالنهار ؟ او للسهرات فقط!كيف الجو عندكم ؟ وكم مستعده تدفعي ؟ /تغطية تدوم ساعات او تقزيرة ساعتين

في الصورة لماركات استخدمتها من اليسار natio/maybeline/aveeno/givenchy 

عن نفسي مااحط يوميا /بشرتي دهنية /مافيها عيوب حاليا ولله الحمد 

الثلاثة الاولى استخدمها للطلعة عادية  والاثنين الاخيريين للسهرة ! 

طبعا كلهم حبيتهم كتغطية ولون بس مو ضروري تكون تناسبك كل وحده واحتياجها وراحتها ولون السحنه << لتتذكير 

لو تبغي مكياج نود او لوك النو ميك اب 

حطي في بالك للنجاح المهمة عدة نقاط :

-البشرة تكون مهيـــأة ومعدة وكل ماكانت خاليه من العيوب كل ماكان نجاح النو ميكب  لوك

-أغسلي وجهك بالغسول المفضل ويفضل لو في حبيبات تقشير ناعمة عشان يفيد بتوزيع الفاونديشن بطريقة توزيع صحيحة ومخملية ومتساويه  وبعدين رطبي بالكريم اليومي او البرايمر  << مهم يكون في شي كريم عشان يقلل اضرار الفاونديشن  -

-حطي طبقه خفيفة من الكونسيلر <<اكرر خفيفة ! مثلا عالعين اذا في هالات او على تصبغ لوني من الحبوب ! << ممكن تستغني عن هاالنقطة

-اذاكانت بشرتك ذهنيه استعملي الفاونديشن البودرة ومرري على مناطق التي زون   بعض  الكريمات تجي كريميه وتعطي مظهر بودره يعني ناعم وحلو مثل ميبلين فمايحتاج تحطي بودرة مضغوطه بالاضافة للسائل

-طريقتي احط بالفرشاة الناعمة الطويله او ساعت بيدي عالمناطق اللي احسها تحتاج يعني مو شرط تحطي بكل الوجه وراح يعطيك مظهر طبيعي ممكن تحطي عند الخشم مثلا او حوالين الفم وماتحطي عالخدود او العكس وممكن تحطي براحة يدك شويه كريم وتحطي كأنك تحطي كريم عادي المهم تشوفي وين وجهك يحتاج << مع الممارسه بتفهمي هههههه

-أختاريبودرة خدودمايله للحمره مش بنكية مثلا  او مايله للبني المحمر << هذا راح يعطي وجهك نضارة وللوك طبيعي استعملي سائل الخدود من بينيفيت ممكن توضعي ثلاث نقط وتفركي خدودك ويعطي مظهر جميل المهم لاتكثري ..جربي كريم الخدود اوردي من ميبلين حبيته ! وطريقة توزيعه سهلة

-حطي طبقة رقيقة من الماسكرا مو لازم كحل:@

-رتبي حواجبك بالطريقة المفضلة ممكن لو كان عندك اي شادو لونه بني ينفع ويعطي نتيجة جميلة انا ساعات استخدم اللي في علبة مكياجي 

-نجي لليب ستيك اختاري ملمع شفاه ديور مثلا او احد روجات بودي شوب اللحمية :@ او حتى مرطبك المفضل

-انتي الان جميلة :@

لو تبغوا ارقام ودرجات كريمات الاساس الموجوده باضيفهم :*

خبرونا كيف تسوو لوك يومي ؟ واي فاونديشن جربتوه وناويين تثبتوا عليه ؟