العناية بالأسنان / فرشاة اورال بي "براون" الذكية ...

 

Oral B Vitality

Precision Clean Electric Toothbrush

اليوم الموضوع ممكن مايحمس كثير ، والبعض يتجاهله ويكون عداوة مع أسنانه لسبب غالبا مشهور وهو " مايعجبني شكل أسناني ". 

نادرا تشوف أحد راضي عن تركيبة أسنانه ، مع أنو أحس كل شخص تركيبة وجهه مناسبه لصفة أسنانه ، وسبحان الله كثيري الإبتسامة ، أسنانهم جميلة . مو لأن اسنانهم جميلة :@ لانهم يكثرو بالتبسم 

ممكن تصرفي أموال طائله في أشياء مالها داعي وتتناسي الاسنان ، الاسنان تغير كثييييير كثير .

تركيبة الفك واتزان ملامح الوجه وعضلاته تتغير اذا حطيتي تقويم مثلا، مو بس كدا سقوط  احد الاسنان ممكن يعفس تنساق الفك العلوي مع السفلي ويأثر بان تكون ذقنك متقدم او راجع لورا ! ومع هذا الناس اي الم بسيط تختار الحل الي مو صاحي وهو " الخلع" . لاتخلعي اي سن من اسنانك ، اختاري بدائل ثانية وطب الاسنان ماقصر :@

بالنسبة للبياض وابتسامة هوليوود اللي نص العالم مطيحين فيها ، استغرب ليش الناس معجبين بها ! عن نفسي ماتعجبني شكل الاسنان هاذي ومره مصطنعة ، 

طبعا البياض  الساطع مادري الناصع اللي يشع من الشاشة ابدا مو محبذ وشكله ينرفز هههه عن نفسي انسى السالفة واطلع بالاسنان ، ولان هذا اللي عليه الطلب عند العرب فتلاقي الاطباء يوفرون هذا النوع من التبييض اللي كنه بورسلان او نوع من انواع البلاط ، البياض الطبيعي للاسنان مو كده وكل بشره بياض الاسنان فيها غير :@ ، المهم مابغا اتعمق في مشاكل التبييض بس كنصيحة انا ماانصح بتبييض الاسنان لانه يسبب مشاكل كثيره جدا  وابسطها  الحساسية ..

العناية بالاسنان عمليا ..

سوي زيارة للطبيب الاسنان كل سته شهور << حافظتنها من وانا صغيره .. والحمد لله  امي وابوي كانوا يودونا من عمر ٥ سنوات حتى لو كانت الاسنان سليمة .. 

نظفي اسنانك على الاقل مرتين يوميا << على الاقل 

لاتكثري من معجون الاسنان نتيفة صغيرة بحجم حبة العدس تكفي 

٣ دقائق << حطي مؤقت عشان تظلي تفركي فيهم لمده ثلاث دقايق :@ اشتري الساعة الرملية << تونس ههههه

طبعا عارفين الاسطوانة < تدخين ، معسل ، حلويات ، خرابيط ، اسنان فتاحة علب << معروف 

لاتنسي لسانك < اللسان ممكن ينقل البكتيريا واذا في بيكتيريا يعني في رائحة كريهة< مرري الفرشاة على لسانك

طريقة التنظيف ..

• مانسيتها ، سهلة وبسيطة << عاد من وانا صغيره وعندي هوس بالاظافر والاسنان << 

• نظفي اسنانك بفرشاة نظيفة يعني مافيها معجون < تنفع للي عندهم جير 

اذا جيتي تفركي مو بعنف << صدقيني ماتنظف الاسنان كده << انتي بس تعدمي اللثه حقتش

• حركي الفرشاة انصاف دوائر وبنعومه ولاتنسي  اللثة واللسان < انتبهي مو تفركي اللثة بس حاولي انك تمرري عليها 

اللثة السليمة وردية ، اما اللي فيها مشاكل تكون بني وغامقة شوي ..

• نظفتي عالجاف اغسلي الفرشاة وحطي معجونك المفضل وفركي ثلاث دقائق 

• اذا تحبي تستعملي المضمضة ، الغرغرة ممتازة 

• لاتنسي غيري فرشاة الاسنان كل شهرين او اذا شفتيها انفرشت << ماعمري شفت فرشاتي انفرشت بس في ناس يدعسوها دعس ههههههههههه.
  

  منتج للتجربة ...

  فرشاة اورال بي من براون/ oral B 

  هاذي الفرشاة جربتها تقريبا من خمس سنوات ، اذكر اني اقترحت على ابوي يشتريها وشكرني على هالاقتراح جدا ،
  جميلة عبارة عن   فرشاة اسنان Braun Oral-B الشهيرة المانية الصنع ،تعمل لمدة دقيقتين متواصلة عند الضغط على زر التشغيل ضد الماء تعمل على  بطارية شحن ..  بالامكان تغيير الرؤوس بسهولة ومتوفرة باشكال مختلفة  يعني بس عليكي تغيري الرأس اذا خربت الفرشاه او احد غيرك بيستعملها وتجي مع كل فرشاه حلقه تركبيها بالوان مختلفة عشان كل شخص يعرف لون فرشته ..
  طبعا معها قاعدة عشان الشحن ، والاجمل في ادوات تقدري تشتريها مثل اداة تنظيف اللسان ، والابرة اللي تعمل كبديل لخيط الاسنان << تناسب وتسهل على اصحاب التقويم .
  جميلة جدا الفرشاة وتغنيك عن زيارة لطبيب الاسنان اذا استعملتها صح ، هيه لما تشغليها الفرشاة تدور وانتي عليكي تمرريها بهدؤ وسلاسة على الاسنان وصغيرة حجما عشان يسهل عليكي توصلي للاسنان ..
  اختراع مهم جدا واحبه جدا ومستحيل استغني عنه الا اذا طلع شي احسن هههه
  تجي انواع احنا بالبيت عندنا ثلاث انواع وكلهم يعطوا نفس النتيجة ...
  سعرها مناسب وتجي بااسعار متفاوته تقريبا ١٤٩ وتشوفيها بصيدليات
  صيدلية النهدي مثلا <<
  الادوات مثل الفرشاة الصغيرة وادوات تنظيف اللسان والخيط  موجودة بالسوبر ماركتات الكبيرة
  
  معتمد  ١٠/ ١٠

بالنسبة لمعجون الاسنان اللي استخدمه هو سنسوداين وجربت كل الانواع السنسودانية واثق بده المنتج كثير مادري ليش 

:@ 

وشكرا :@

خبرونا بمعجون الاسنان المفضل //وتجاربكم الاسنانيةة ومشاكلكم !