3minutes it is all it takes !!/ ٣ دقائق !

٣ دقائق فقط 

• لتنظيف أسنانك .
• لتنظيف وجهك بالصابون 
• لتدليك وجهك بعد وضع الكريم 
• اقصى وقت لجفاف المناكير كلياً
• القيام بالتنظيف الجاف لكامل جسدك 
• سلق بيضة في ماء مغلي :@
• القفز بواسطة الحبل إذا كنتي بارعة تستطيعين القفز
• تمشيط فروة الرأس من جميع الجهات 
• تسخين الفشار بالميكرويف 
•  عمل كوب من القهوة بواسطة النيسبريسو 
• العد للرقم ١٨٠ :)
• عمل ميك اب يومي 
• سكوات او جمبينغ جاكس يوميا لمدة ٣ دقائق كمقدمة
• تأمل يومي 
• إستغفار او قراءة ورد بسيط من القرآن
• تفقد إيميلك
• كتابة رسالة لعزيز بالجوال 
• توقف عن عمل أي شئ 
• تنفس بعمق 
• القي نظرة سريعة على الادراج ، تخلصي من أي شئ معطوب او تالف او لايمكن إستخدامه 
• احذفي البرامج او التطبيقات التي لاتستخدم في جهازك 
• فضي غسالة المواعين او سلة الصحون :@ صدقيني بثلاث دقايق 
• ان فولو للجميع صفحات الانستقرام او التويتر  الغير هادفة والسخيفة 
• مدة بقاءك في محل بغرض التسوق يكيفيك ٣ دقائق عشان تقرري تشتري شئ 
• يوميا اكتبي لمدة ٣ دقائق او حتى اقرأي لثلاث دقائق يوميا 
• القي نظرة على الثلاجة وتخلصي من الاكلات المعسعسة اللي من عام الفيل 

 الغرض من الموضوع  ممكن تستغربيه او حتى تستنكريه ، اللي ابغا اوصل له  اذكرك بقيمة الثلاث دقائق وايش ممكن تسوي ، حاولي تجيبي ساعة رملية  وتحطيها عندك ، اول ماوصلت أستراليا عطوني ساعة رملية وقالوا لي  وقت الاستحمام أربع دقائق لاتبذري الماء ! شفتوا كيف حرصهم  على هالشئ الثمين ! ابدا لاتقولي مو كفاية ، انا حطيت أمثلة  كثير حاولي تطبقي وتشعري بالإنجاز  يوميا ! كونك تقرأي في ثلاث دقائق بس بتتطور عادة القراءة عندش وبتشوفي نفسك قارئة نهمة وتقضين ساعات او بتكوني قارئة سريعة وتقرأي معدل ورقتين في ثلاث دقائق او أكثر وبتركيز تام ، ونفس الشئ للمشي او النط بالحبل  هذا الشئ يعلمك على الالتزام ، ايضا شغلة حلوة وهي المبادرة وإتخاد القرار بسرعة  يعني لو ماقررتي إن هذا الشئ حلو في ثلاث دقائق وتحتاجيه بتعيشي مرض الحيرة كثير وهلما جرا !   الكلام كثير في هالموضوع  بس التجربة خير برهان ..

الساعة الرمليه من ليكلاند بتشوفوا زيها في محلات الطبخ !
افتحوا الرابط:
https://www.youtube.com/watch?v=7tZezfI_8KA#t=15

مفضلاتي من قارنييه | Garnier fav

اليوم راح اتكلم عن مفضلاتي من ماركة قارنييه اوgarnier طبعا جربت أشيء ثانيه بس مو متواجده عندي الحين ، لكن راح اذكرها بكلامي ، الماركة جودتها جيدة جدا ، وأسعارها مناسبة جدا ومتوفرة بالصيدليات او السوبر ماركتات 

راح ابدي أتكلم  عن حليب مزيل المكياج .

• حليب مزيل المكياج بخلاصة الورد

   من مفضلاتي ومتعوده عليه ، أحسه ناعم على البشرة واهم شي إنه يشيل الماسكرا العنيدة بلطف ، أنا عن نفسي أفضل الحليب مش المناديل في إزاله المكياج أحسها لطيف وترطيبها عالي ، سبب حبي لحليب المكياج بالورد احس لما اقعد الصبح بشرتي مثل البيبي ومورده ، جميل الشعور 

• حليب مزيل المكياج بماء العنب

كمان شي قوي وإذا عجبك أنصحك تجربي التونر قبل النوم شئ جميل والاثنين يناسبوا جميع البشرات ، أستخدمي القطن او حتى فوطة ناعمة ، اشتري لك درزن فوط صغيرة للوجه احس هذا جدا مهم لاتستخدمي الكلينكس او فوطة الجسم ، واهم شي تكون قطنيه وناعمه على البشره ، وتذكري إستعمال واحد وبعدها لازم غسيل ..

للأمانة هذول الشيئين مو لي هذول لأخوي ! هههههههه طبعا اول مانصحت اخوي بغسول قلت له قارنييه وصار ابوي الله يرحمه يسميه قارنييه لان الولد صار مايشتري غير هالماركة ، انا أستعملتها للفتره بس باأيام الثانوي ، لكن الحين مااستخدمها لأن مااحتاجها الحمد لله ، تحسنت بشرتي وصرت اخاف أستعمل غسولات او مقشرات قويه ! هذا مايعني أنها مو عدله بس كل شخص وإحتياجاته ، عموما انا اللي كنت طايحة بها منتج يسموهexfo brusher wash  كانت فكرت مرة عبقريه ولازال متواجد ابحثوا عنه بالنت وشوفوا صورته ممكن يفك أزمة عند البعض  ، المنتج هذا عباره عن منظق للوجه لكن فوقه فرشة يعني ماتستعملي يدك اذا جيتي بتغسلي وحولو عشان لاتنقلي دهون يدك لبشرتك ! والفرشاة لينه وحلوه وتطلع بلاوي من الوجه ، خصوصا لاغسلتي وجهك بعد العمل او الجامعه او حتى المدرسه ، المنظف هذا ينظف بعمق ، وفيه حبيبات مقشرة تقشر بلطف .بعيدا عن المنظف،  انا  صرت احمل غسول الوجه بعلبه صغيره علشان اذا طلعت لفترات طويله احس الوجه يتوسخ ويدهن ، عموما اللي وجهها دهني او عندها حبوب او تحس وجهها وسخ هذا الشي حلو !

•  

  Garnier Pure 3in1 Cleanser Scrub Mask

من إسمه ٣ في ١ الشء اللي منبطح بالصوره ، هو غسول ، ومقشر ، وكمان قناع او ماسك !يحتوي علي حمض السليسيك اللي يعالجوا به الوجوه اللي تعاني من حب الشباب ،الحلو فيه انه ممكن تخليه ماسك تخليه على وجهك يجف وبعدين تغسلين وهم حاطين طريقة الاستعمال ، طبعا منعش وينظف من قلب يعني يوم اللي يستعمله اخوي يكون وجهه منور علي غير العاده :@

•    
  

  Garnier Pure Active Charcoal Anti Spot Wash

المنتج الاسود ،جديد عندنا ويسمى غسول الفحم ، مره من المرات كتبت عن ماسك الفحم الطبيعي وفائدته ، اللي ماتحب الماسكات الطبيعيه ، قارنييه سوو منتج على فحم ههههه، المهم مناسب للبشرة الدهنيةة ،ماينفع للذوات البشره الجافه يشد جدا ويخليها تتقشر على حسب كلام إختي !ينظف بعمق ويشيل الزوان والرؤوس السوداء .

كل هالمنظفات لازم ترطيب ترطيب ترطيب بعدها ، لانها تعتبر قويه وتنظف بعمق وممكن تحسي إنها جففت البشره بس جفافها يكون قتي ، تعتبر جيده نوعا ما وتناسب الرجال لان يحتاجوا التنظيف بعمق كل أسبوع ..

                                                                                                           

dry shampoo |fresh start|vloumizing|الشامبو الجاف من |TRESemmeَ

Dry shampoo |TRESemmeَ

بما ان الامس كنت جالسه واني امي في الليل نشاهد ، شفت وحده عجبتني صبغتها مرة ، قلت لامي اماه اصبغي شعري قالت لي بدون مناقشة جيبي العدة هههههههههههه !! 

فخلينا اليوم نتكلم عن منتج للشعر من ماركة تريسميه يسمى الشامبو الجاف ، موجود من زمان بالاسواق بس نادرا تلاقيه عندنا بالسعودية

فكرته جميلة جدا لكن حطيي ببالك ان لايمكن تستغني عن الشامبو العادي هذا يسموه لوقت الزنقة بس !

صاحبات الشعر الدهني يعرفوا المعاناة مجرد تسوي شعرك بالستريتنر او حتى الاستشوار يوم ثاني او يمكن حتى بالليل تشوفيه مدهن ولازق ببعضه ! وشكله مو نظيف ! طبعا الدهن ينتج لانك طولتي وانتي لابسه الحجاب او حرارة الجو او ممكن كثر التمشيط !ساعات مو فاضيه تغسليه في فتره النهار فهذا الحل الامثل ،وبكده ممكن تتجنبي تغسلي شعرك بالشامبو يوميا لان يضعف الشعر ،الشامبوالعادي يستخدم مرتين بالاسبوع كفايه ..

الشامبو الجاف هذا يمتص الدهون الزايده اللي في الشعر ويعطي حجم للشعر وتحسي بالانتعاش بعده بدون مايخرب الشعر او يتبلل وكاتبين إنه يزيل رائحة الشعر وكمان مدعم بفيتامين B12والكيراتين 

طريقة الإستخدام ..

يستخدم على شعر جاف ، خضي العلبة او رجيها رجا مبرحا ،رشي بشكل خفيف ومتساوي  خلي البعد او المسافة بينه وبين الشعر  8-12إنش ، خليه لمده دقيقه الى دقيقتين وبعدين مشطيه بطريقتك المعتادة .

العلبة وفيرة وبتكفيش سنين ، في ماركات ثانية بالسوق  نزيه يوفر منتج شبيه لهذا ..

جربوه ينفع صاحبات الشعر الدهني ..

 

 seaweed ionic clay mask / 

قناع الطين الايوني   بعشب البحار من بودي شوب للبشرة المختلطة والدهنية ..

revitalizes, cleanses and reduce excess oil (combination/oily skin(

ضعي على الوجه طبقة رقيقة من الطين وأتركيها لمدة ١٠ دقائق او لحين تجف ثم أشطفي وجهك ، إستعملي القناع مرتين في الاسبوع ، تجنبي ملامسة القناع لمناطق الشفاه والعيون .

طبعا أخدته في أيام التخفيضات كانت تخفيضات ل ٧٠ ٪ فرصة اجرب الماسكات الجميلة اللي عندهم 

الماسك هذا قوي وأنصح فيه الطين منظف للبشرة ويعمل عمل قابض للدهون ،يشيل الزوان وينظف بعمق 

انا بشرتي ذهنية ماعندي حبوب الحمد لله لما حطيته حسيت بوخز وحرارة بس حبيته يشد الوجه اذا جف بقوة ويخلي البشرة ناعمة ونظيفة ..حطي الماسك على بشرة نظيفة ورطبيها بعد الماسك بزيت مفضل او كريمك المعتاد ..

ماراح اتكلم عن فوائد الطحالب البحرية والعشب البحري بس إذا شفتي منتج يحتوي على هالاشياء خذيه ! ممتاز للبشرة 

في المدونة سبق وتكلمت عن ماسكين من بودي شوب ماسك فيتامينe والشاي الاخضر ، راجعوا المدونات السابقة 

الماسك من بودي شوب موجود في كل مجمع ، أنا شريته من البحرين واستغربت ان عندهم زبدات الجسم بحجم كبير اكبر من اللي عندنا ب اربع مرات ! بس ماخديت منهم ، احب ماسكات بودي شوب 

السعر بعد التخفيض ٥ ريال بس :)

شكراً .. 

أسألوني  :@

citrus delight / [عصير الحمضيات]

• المكونات 

٢ برتقالة 

١ جريب فروت 

١ ليمونة

يمكن إستبدال الليمون ب اليوسف إفندي ٢

تعصر بعصارة البرتقال وتشرب حالا ,أفضل شرب العصيرات صباحا على معدة خالية .. 

• فوائد 

  -غني بفيتامين سي وهذا اول مايتباذر لذهنك لما نقول حمضيات ، طبعا فيتامين سى من الفيتامينات water soluble هاذي سهلة الإمتصاص بالجسم ،فيتامين سي يساعد على بناء الكولاجين والكولاجين  نحتاجه لبشرة جميلة وصحية ومشدودة .فيه كمية نحاس ، رايبوفلافين ،نياسين ، بوتاسيوم ، وايضا كالسيوم ،مغنسيسوم .

  الحمضيات معروفه بروائحها العطريه وكمان تحتوي على citric acid دور هذا  الحمض يقتل البكتيريا ويعقم الجلد  يعني يعطي نقاوة للجلد وشعور بالنظافة ..

  يعمل كمرطب طبيعي للجلد ، دايما جداتنا بعد مايخلصوا آكلة سمك يفركوا ايديهم بقشور البرتقال المتبقية عشان الريحة تروح مال الزفر بس الحقيقة انها ترطب الجلد بشكل هائل ..

  تزيل خلايا الجلد الميت ، وتوحد لون البشرة وتونها .. 

  عموما الهايدريشن او شرب الماء بكثره يخلي بشرتك مثل اللعبة او البيبي والحمضيات تسوي كده واكثر ! اكيد مع الاستمرار 

  في دراسات تقول إن إستهلاك فيتامين سي يقلل او يأخر ظهور التجاعيد لهذا اكبر المنتجات العالمية توضع فيتامين سي او غيرها في منتجاتها ، عموما فيتامين سي لايمتص بهذة الطريقة  يعني سطحيا او موضعيا على الجلد ! اعتقد إنه وهم ...

  يساعد على تقوية الاظافر ونموها عموما اي شي يساعد الاظافر مثل ماقلت بمدونة سابقة ينفع للشعر ! واي شي ينأكل معناتها مفيد للبشرة ..

  ممكن إستعمال قشور الحمضيات كمقشر طبيعي والطريقة تأخدي القشور تجففيها بالشمس وتطحنيها تأخدي البودرة تمزجيها مع حليب مثلا وتوضع على الوجه اوأي منطقة بالبشرة 

  لو كنتي تعاني من حب الشباب خذي العصير وضعيه في قالب الثلج وكل يوم خذي مكعب ودلكي بشرتك وبتشوفي كيف تنعاد الحياة للبشرة :)

  مفيد بشكل عام للشعر وخصوصا الجاف واللي يعانوا من القشرة 

  جيد للي يعانوا من السكري عموما لها خصائص في تنقية الجسم من السموم وخصوصا الكلى وكلما تنقى دمش وكليتش تشوفي النور بوجهك وتنافسين الاتراك ههههه

  هائل في إنه يحطم ويقضى على ترسب الكالسيوم واللي ينتج عنه حصوات الكلى .. 

  مضاد للأكسدة ومقوي لممناعة

  يساعد على الهضم صديقاتي الصينيين يقولوا انهم يأكلون قشر البرتقال لإنقاص الوزن بعد وجبة دسمة 

  للي يعانوا من فقر الدم جدا مفيد كفاتح للشهية 

  مقوي للعظام بدل الحليب :)ويقال إن أكل جريب فروت على الريق يساعد في الحصول على بشرة ناعمة جدا

  أنتبهي تشربي عصير معلب ..

  • تحذير 

    أفضل وقت للشرب الحمضيات في الصباح على معدة فارغة ، او بعد وجبة خفيفة 

    لاتشربي الماء بعد عصير الحمضيات لأن ممكن يزيد الحمضية في المعدة 

    لاتخلي العصير في الثلاجة وبعدها بساعات او ايام تجي تشربيها الحمضيات وقت حياتها قصير لازم تشربيه حالا حتى لايتأكسد ..

    الحمضيات ماتأكل مع الوجبات وهذا خطأ يقوموا بها الكبار خصوصا في العزايم ياكلون البرتقال مع وجبة مندي مثلا ! خطأ ويزيد الحمضية بالمعدة والحمضية شئ مو كويس ابدا 

    بالعافية :* جربوا العصير منعش ولذيذ :@ 

    والقليل اخو الكثير، الاعتدال واجب .