coconut oil 

هيلوووياسادة ،

اليوم الريفيو عن  زيت جوز الهند  مو اي زيت ! لا !extra virgin  و organic كمان ، طبعا بالصورة تشوفوه جامد لهذا صاير ابيض لكن لو كان الجو حار هو بنفسه بيصير شفاف  كأنو ماي .يعني يتغير حسب درجة حرارة الغرفة . 

طبعا سويت ريسيرش  عنه جوز الهند والأجانب طايحين فيه  ، تراه مو بس للشعر هو مفيد للجسم وترى اللي بالصوره صالح للأكل ايضا  يعني لو تبغي تستفيدي خدي شي صالح للأكل مو المخصص للشعر ويفضل انك تاخديه من محلات اللي تبيع منتجات الاورجانيك  .

له إستعمالات واجد ولما تحطي عالبشرة يخليها ناعمة وحريرية  يعني دبل ترطيب ، ويقال انه إستخدامه يحارب علامات تقدم السن  بالبشرة وبالفعل اي شي يرطب معناتها يسوي طبقة تحفظ الماء بالبشره ويخلي البشرة محافظة على ليونتها اللي ممكن تنكمش مع الزمن وتصبح اقل مرونه لهذا ممكن يساعد على تخفيف السليولايت والسترتش مارك .

قرأت في احد المجلات الاجنبية ان في إمرأه أعتمدته كمنظف للجسم ومرطب ومرطب للشفايف وحتى مزيل للمكياج وكانت تجربه ناجحة نوعا ما العيب الوحيد الممكن اشوفه هو ريحته قوية نوعا ما وماتحمل اكون جوزة  هند متنقلة خخخخخخ

ممكن تخليه روتين اسبوعي تبللي جسمك بالماء الحار  وبعدها توضع زيت جوز الهند لمدة ١٠ دقائق وبعدها تغسليه وتبدي تفركي جسمك وبتلاحظي انه مقشر جيد للبشره وتغسلي جسمك عادي بتلاحظي لمعة جميلة بالجسم .

للشعر جربت احطه  وبالفعل يقلل تساقط الشعر ويخلي الشعر حريري كأنو عاملة إستشوار  يلين الشعر ويغديه ، ممكن تعتمديه للشعر وبليز لاتخلطي الزيوت ببعضها يعني لاتحطي زيت زيتون مع زيت جوز الهند مع زيت جوجوبا وتخبصي الدنيا ! اعتمدي زيت واحد فقط . بالحقيقة كثير ريفيوات عن جوز الهند وفوائده للشعر ومعروف انه بعض مناطق الهند يستخدمونه للشعر  كزيت هو معتمد .

ممكن يكون حل ممتاز ومن اول استخدام للاولاد اللي عندهم قشرة . اخوي كان يعاني من القشرة ومن اول مرة  حط على شعره القشرة اختفت ..

ماركة معينة بصراحة ماقدر انصحكم بأي نوع لأني ماجربت الا هذا وهذا الشئ موجود في أستراليا ، بس ارر اذا بتشتري خذي شي صالح للأكل . 

أنصحكم بقراءة ١٠١ إستخدام لجوز الهند ريفيو في الكوكنت اويل واستخداماته " بالانجليزيه " وفي كتب كثيره عنه 

بالمرات الجاية راح اتكلم عن  شرابي المفضل ماء جوز الهند والبينفيت الموجوده فيه ..