Almond Milk Concentrate | Almond | L'OCCITANE

سلام ،

اليوم راح اتكلم عن هذا الكريم الجميل  اللي بالصورة ، تقريبا صار لي سنتين وانا استعمله ، وحقيقي بدون مبالغة ماافكر اغيره ، ريحته خفيفة وجميلة  وتظل بالغرفة اللي جالسة بيها ، اذكر مرة كنت بالباص ووحدة من صديقاتي مسكت يدي ولان الريحة كانت جميلة وسألتني : انتي وش تستخدمي صرت استحي من نفسي << كناية عن أنها مو بنت :) . العلبة كبيرة وتكفي شهر ونص هذا اذا كنتي من النوع الكريم مثلي ويحط كريم بشراهة  ههههههه، اما اذا كنتي قصيرة وبخيلة اضمن لك شهرين بالكثير يظل معاك ، تركيبته جميله وخفيفة ، تمتصه البشرة بسرعة ومايترك اي اثر ودباقة ، مكوناته طبيعي حليب اللوز المركز والمعروف انه يضفي لمعة ونعومة للبشرة مع الاستخدام المتكرر والاهم ترطيب عالي ، عندي منه علبة صغيرة استخدمه ليدي فقط وللاسف مو متوفر منه علب صغيرة بالسعوديه ! جربت نوع ثاني مقارب له علبته مختلفة من نفس المجموعة يجي بعلب الطولية اللي تضغطي ويطلع لك << ام الشرجح، حسيته يختلف ماحبيه وترطيبه مو قوي مثل هذا  ، عن نفسي افضل هذا المنتج مقارنة بالاخر ، لو كانت علبته بلاستيكية مثل هذاك اضمن لانه قابل للكسر بعلبته الزجاجية ، سعره  اتوقع مناسب ومعروف فوائد اللوز كبروتين مغدي للبشرة ،
احسن حالة للثبات الريحة بالجسم وضعه بعد الايسحمام عشان تضمني ريحة ثابته ونعومه وكمان يحتفظ الجسم برطوبته !
سعره =٢٠٠ وشوي < بصراحة اعتذر  بس شريت اشياء كثير وماحفظت الفاتورة  << المرات الثانية راح اكون ادق
متوفر بمحلات لوكستيان بمجمع الظهران
هل راح أشتريه ؟ نعم وبشدة ،انا عن نفسي احب الروائح الخفيفة وبعيدة عن روائح الفواكه او العوديات .