Dior Addicted Lip Glow

بسم الله الرحمن الرحيم 

تدوينة اليوم عن هذا الاختراع اللي أعتبره جدا ذكي ! هذا الشي ملمع او مرطب للشفاه من ديور ، المنتج هذا يقوم على تقنية تعزيز لون الشفايف الاصلي ، بالعربي لون شفايفك انتي ،يعني اساسا اذا لون شفايفك ازرق :@ بيطلع ازرق حقيقي واذا وردي فبيطلع وردي ،او  يعتمد على لون بشرتك يعني بيضاء جدا وشفايفك ذابلة هو بيعطي انطباع ان شفايفك راوية وبيظهر لونها الحقيقي .

ممكن الاغلب مايعرفوا المنتج او ماسمعوا عنه ،بالحقيقة اعتبره universal للجميع الشفاه والبنات 

تجربتي معاه الاولى لما شريته كنت اقول  المنتج هذا مافي لون كنت احسب انه روج فتجاهلته ! بس بطبعي احب المكياج الخفيف او الناعم اللي مايظهر انك حاطة مكياج ابداًوغير كده ماكنت راضية عن جميع مرطبات الشفايف اللي جربته بالاسواق .

فقلت لنفسي مظهره شفاف ، ليش مااشتريه كمرطب ! وبالفعل لما شريته استغربت اللي تبيعني ليش مشتريته ! وقالت ممكن يناسبك في ايام الشتاء !

جربت المنتج ومع الايام اكتشفت اني addicted to it ! يعني اسم على مسمى ! مظهر طبيعي للشفايف! مستحيل احد يلاحظ انك حاطة شي ! مجرد شفايف رطبة ولون حقيقي ! 

مكون من مواد طبيعية  على حسب ماهو مكتوب عنه وله نكهة ظاهرة  وريحة جميلة !خلاصة المانجو البرية وعشبة اخرى  تأمن الترطيب وكمان يحتوى على واقي شمسي بقوة spf10 

المنتج فيه لونين ، لون وردي ولون برتقالي انا جربت فقط الوردي ! 

هل ممكن اجربه مرة ثانية ؟ نعم مرة ثانية وثالثة ورابعة اعتبره شئ اساسي عندي .

رطوبة الشفايف تبقى لساعات طويلة ومايترك اي جفاف او تشقق بعد الاستعمال ! 

سعره ٨٥ ريال على ماادكر  واعتقد سعره زين ، اختى تقول انه غالي بس انا راضيه عنه واحسه يستاهل هالسعر :@

مناسب للصباحات والدوامات والجامعة يعظي مظهر فريش وامتلاء خفيف .

موجود بكل محلات الماكياج :)

Organix Penetrating Moroccan Argan Oil

ريفيو اليوم عن منتج للشعر اخد سيط كبير عند الاجانب ، سيريوم للشعر من  شركة اورجانيكس موروكان اورقان اويل ، زيت الارقان او الاركان المغربي مشهور جدا على الاقل هالفترة ب إنه مفيد للشعر وايضاً للبشرة ،يقال ان الزيت يستخرج من لوز شجر الاركان والي يتوفر بندرة في سهل سوس بالمغرب ، المغاربة يستخدمو في اغراض الطبخ  ايضا ، ويجمع خواص اللوز والبندق المعروفه بفوائدها الجمالية للبشرة والشعر ،من بحث بسيط  عرفت ان النساء كانوا يستخدموه كمرطب للبشرة الجافة ويعتقدوا انه مضاد للتجاعيد لأحتواءه على احماض ذهنية الاساسية ، اوميغا٦ ،اوميغا ٩ وهاذي المركبات يعتقد بكفاءتها في ترطيب البشرة ومحاربة حب الشباب . 

ماعلينا من خواص الزيت ، نجي للسيروم الشعر هذا وايش المتوقع منو انو يسوي بالشعر !  يقول انه راح يجدد مظهر الشعر ويخلق نعومة فيه ويقويه ،وزيادة على هذا راح يأمن للشعر حماية من مكواة الشعر  واشعة الشمس الضارة . تركيبته ايضا تحتوي على فايتامين E ومضادات الاكسدة  اللي تعيد بناء الشعر  وتعطيه سحنه لماعة جميلة  وملمس ناعم جدا ً.

تجربتي معاه ، أستعملت المنتج تقريبا من ٦ شهور او اكثر بناءا على نصائح خواتي ومدحهم للمنتج ، طبيعة شعري دهني جدا،ناعم ، استعمل المكواه من فترة لاخرى  واحيانا الاستشوار فقط للتجفيف الشعر واحط السيروم للحمايه وزياده لمعان الشعر لان شعري باهت في بعض الاحيان .

اذا كنتي مو من محبين استخدام كريمات الشعر بامكانك استخدامه عوض عن الكريم او زيت الشعر وبكده ضمنتي عدم تزييت شعرك بكثافة ويعطيك مظهر طبيعي للشعر بدون تدبغات او دباقة .يعني مو لازم تكوني تستشوري ششعرك او تكويه عشان تستخدميه .:) 

طريقة الاستعمال مثل اي سيروم عادي بالسوق ،توضعي كمية بسيطة على حسب طول الشعر وفي راحة اليد ويفضل التركيز على اطراف الشعر او النهايات لانها الاكثر عرضة للتقصف والبهتان والاكثر تضرر ، وعن نفسي احب احطه على شعر مبلل جزئيا وتجفيف الشعر بطريقتك واذا حبيتي تحطيه مره ثانيه بعد التصفيف .

رأيي بالمنتج ، اعتقد انه يمنح نعومة جميلة ولمعان بالشعر  يعني حقق المطلوب منه ، سؤالك هل يحمي الشعر ؟ حقيقة مااضمن لك انه الزيت هو سبب حماية الشعر لكن اؤمن ان الترطيب وطريقة معاملتك لشعرك هي اللي تأثر .

هل في فرق بين المنتج والمنتجات الاخرى ؟ عن نفسي مالاحظت الفرق ! تأمينه للمعان ونعومة الشعر  زيها زي اي منتج بالسوق من السيرومات المشهورة مثل زيت الحية مثلا من دابر املا او الثاني المشهور بالصالونات ! اخواتي حبوا المنتج كثير من جهة ثانية  وممكن يشتروه مرة ثانية

هل ممكن استعمله مرة اخرى ؟ مااعتقد ! لان سعره مو مناسب ولعدم توفره هنا بالاسواق والمولات الكبيرة  ، انا شريته من استراليا ،لكن التاجرات اللي تبيع بالنت يقدروا يوفرونه 

حجمه بحجم كف اليد لكنه وفير واضمن ان العلبة ماتخلص بسرعة هههههه 

الشركة هاذي جربت منها شامبو وكونديشنر وراح اتكلم عنهم بريفيو ثاني لو حبيتوا :) 

Almond Milk Concentrate | Almond | L'OCCITANE

سلام ،

اليوم راح اتكلم عن هذا الكريم الجميل  اللي بالصورة ، تقريبا صار لي سنتين وانا استعمله ، وحقيقي بدون مبالغة ماافكر اغيره ، ريحته خفيفة وجميلة  وتظل بالغرفة اللي جالسة بيها ، اذكر مرة كنت بالباص ووحدة من صديقاتي مسكت يدي ولان الريحة كانت جميلة وسألتني : انتي وش تستخدمي صرت استحي من نفسي << كناية عن أنها مو بنت :) . العلبة كبيرة وتكفي شهر ونص هذا اذا كنتي من النوع الكريم مثلي ويحط كريم بشراهة  ههههههه، اما اذا كنتي قصيرة وبخيلة اضمن لك شهرين بالكثير يظل معاك ، تركيبته جميله وخفيفة ، تمتصه البشرة بسرعة ومايترك اي اثر ودباقة ، مكوناته طبيعي حليب اللوز المركز والمعروف انه يضفي لمعة ونعومة للبشرة مع الاستخدام المتكرر والاهم ترطيب عالي ، عندي منه علبة صغيرة استخدمه ليدي فقط وللاسف مو متوفر منه علب صغيرة بالسعوديه ! جربت نوع ثاني مقارب له علبته مختلفة من نفس المجموعة يجي بعلب الطولية اللي تضغطي ويطلع لك << ام الشرجح، حسيته يختلف ماحبيه وترطيبه مو قوي مثل هذا  ، عن نفسي افضل هذا المنتج مقارنة بالاخر ، لو كانت علبته بلاستيكية مثل هذاك اضمن لانه قابل للكسر بعلبته الزجاجية ، سعره  اتوقع مناسب ومعروف فوائد اللوز كبروتين مغدي للبشرة ،
احسن حالة للثبات الريحة بالجسم وضعه بعد الايسحمام عشان تضمني ريحة ثابته ونعومه وكمان يحتفظ الجسم برطوبته !
سعره =٢٠٠ وشوي < بصراحة اعتذر  بس شريت اشياء كثير وماحفظت الفاتورة  << المرات الثانية راح اكون ادق
متوفر بمحلات لوكستيان بمجمع الظهران
هل راح أشتريه ؟ نعم وبشدة ،انا عن نفسي احب الروائح الخفيفة وبعيدة عن روائح الفواكه او العوديات .

زيت اللوز من لوكستيان ..

تجربتي ،

طبعا انا هنا انقل لكم من واقع تجربة . زيت اللوز هذا مخصص لاعادة نحت الجسم "firming" وينفع للخطوط البيضاء او التمدد او بلغة اخرى التشقق الناتج عن الزيادة او النقص في الوزن او تغيرات الفسيولوجية للحمل والولادة ..

الزيت هذا متوفر منه نوعين تحت قسم منتجات اللوز بلوكستيان ، هذا النوع أخف من الثاني واللي باخر زيارة لي بالمحل مالقيته وعلى حسب اقول البائع انو ماعاد متوفر عالاقل بالسعودية .

بالمقارنه بينه وبين النوعك الاخر حسيت هذا اخف وافضل من ناحية الريحة  بس كنتيجة معتمدة  ، أعتقد ان الاقوى نسبة تأثيره عالخطوط افضل بكثير .

غرضي منه ماكان نحت للجسم ! غرضي الترطيب فقط .. كنت ابحث عن مرطب لجلدي من نوع فاخر ! لأني في ازمة ترطيب واحس ان الكريم مايعطيني النتيجة المطلوبة 

اول تجربة لي وضعت على يدي في المحل ، ريحته حبيتها جدا ، ريحة خفيفة طبيعية ، ويتشربه الجلد بسرعة بدون ترك اي اثر زيتي .

شريته ظليت احطه في مناطق معينة الخصر ، الركبة، اليد ، وظاهر القدم ، تقريبا في اغلب مناطق الجسم ، 

يعطي نعومة جميلة ورائعة وتتشربة البشرة ومع الايام يحسن مظهر الجلد ،

حبيت علبته واحس انه عملي جداً ! عيبه اعتقد انه يخلص بسرعة لو يكبروا الزجاجة ..!

طبعاً صدفة احدى صديقاتي مسكت يدي وانذهلت من الريحة العطرية الجميلة ومن يومها وهي تستعمل الزيت باإدمان !

شخصيا مااعتقد اني اقدر استغني عنه ،ملازمني يوميا وافضل احطه مره وحده بعد الشاور والجسم يكون رطب . 

بماانه زيت فيفضل انو ماتحطينه وتطلعي للشمس للتجنب الاسمرار ولان الزيوت تمتص اشعة الشمس بسرعه !

سعره يعتبر فيه ٢٢٩ ريال او شي هيك < اعذروني كنت شارية اشياء ثانية فما ركزت على سعره الفردي 

الحلو فيه انه يوجد داخل الكرتون تعليمات بخصوص المساج وكيفيته ! 

اعطيه ٩و١\٢ من ١٠