١/ أختاري فرشاة الشعر المناسبة ..
ببساطة اول خطوة بالعناية هي إختيارك لفرشاة الشعر ، أبتعدي عن فرشاة الشعر المصنوعة من البلاستيك او غيرها من المواد القاسية على الشعرة ، الشعر خصوصا الفريزي او اللي "يكش" ماتصلح له هالانواع من الفرش تخليه يتكهرب ويطلع الشكل مو مرتب ويتساقط ، الاريح إستخداماا هو المشط الخشبي مثل اللي بالصورة ! يكون أسنانه متفرقة ومصنوع من الخشب الطبيعي ! هذا المشط الجميل اللي مااستخدم غيره من "بودي شوب " اعتقد سعره بحدود ١٨ ريال ، الفرش الثانية كمان من بودي شوب لكن انا مااستخدمهم ، فقط استخدم المشط !
٢/طريقة تسريح الشعر ..
عاملي شعرك مثل البيبي بكل لطف ، لما تخلصي شاور جففي شعرك بالطبطبة وليس الفرك !!! عشان بعد لايتكهرب طبطبي عليه يفضل مش بالفوطة وانما بقطعة قماش قطنية ..
نجي لطريقة التمشيط ، اقلبي شعركخليه باتجاه الارض ، هذا يساعد على تحريك الدورة الدموية والجاذبية باتجاه الارض وانتي تمشطي تشاعده على تطويل الشعر وبتشوفي الفرق كيف !
في طريقة مشهورة اسمها inversion method اكتبي باليوتيوب هالكلمة وراح تطلع لك الاف التجارب والتحديات اللي تضمن لك ١ انش في اسبوع واحد ، جربتها بنفسي بهاذي الطريقة ٤ دقائق تدليك للشعر وهو مقلوب ، بعدها تمشيط الشعر ايضا وهو مقلوب لمدة اسبوع وبعد شهر طول شعري حول ال ٤ إنش !
٣/ تغدية الشعر خارجيا وداخليا ..
انا ضد خلط الزيوت ، والاستعمال المفرط ، اختاري زيت يناسب شعرك ، باراشوت مثلا مثل اللي بالصورة المكتوب عليه صالح للأكل ، من افضل الزيوت وسر الهنديات اكتبوا باليوتيوب وشوفوا جمال الشعر ، سخنيه بالمايكرويف ٣٠ ثانية حوالي نصف كوب مثلا او على حسب طول شعرك مع كوب ماء وملعقة كبيرة من خل التفاح ، او اكتفي فقط بزيت باراشوت ، ايضا زيت اللوز الحلو جدا جميل للشعر ، وزيت السمسم موجود في السوبر ماركتات للطبخ ، حاولي تنوعي في استخدام الزيت يعني كل اسبوع زيت معين . اللي ذكرتهم يناسبوا شعري لان شعري مصبوغ عشان اضمن مايتغير لون الصبغة او يقلب برتقالي لان في بعض الزيوت حارة على الشعر . اتركيه على شعرك ساعة مثلا او ٤٥ دقيقة لاتوضعي الزيت فترات طويلة على الشعر لان بيتساقط !
جربي ..
بلسم الاطفال جونسن اذا كان لابد من إستخدام البلسم ، يطري الشعر ويجعلها حريرية جدا ، السئ فيه ريحته !
لو حابين تشاركونا تجاربكم اكتبوا بالتعليقات :)
