velvet touch

majestic /raspberry

for future bride ...

هيلو بيوتيز :*

اليوم راح اتكلم عن منتج  جربته ويستحق الكلام عنه بما إنو المحل مسويين تخفيضات هالفترة وفرصة تستفيدي من العروض ، خصوصا انو احنا مقبلين عالعيد ومناسبات كثيرة 

رحلة البحث كانت لغرض <<نادرا اطلع ومااحط ببالي شي اشتريه 

كنت ابحث عن زبدة الجسم 

المحل الاول بودي شوب وكنت متعوده اخد من عندهم شي معين لكن اللي تبيع شكلها جديده وقالت لي ماعندنا هالشي قلت لها لا مستحيل شالوه! قالت ايه الاشياء تتغير وطلعت ،<<شكلي فاضية واقول قصة حياتي . المهم رحنا المحل الثاني وكان سيكريت مادري ايش  وماحبيت الروائح والثالث بعد واخير دخلنا  هالمحل

حقيقة اول شي انا مو صديقة للروائح الفواكه  فقلت لها من البداية ماابغا شي بالفاكهة ! قلت لها خاطري بشي فانيلا

اللي علبته البرتقالية  من كثر الروائح انا كونفيوزد هههههه ماصرت اشم  المهم انا اخدته على عماية !

لماجيت البيت خليت اختي تشم قالت لي خيال ريحتو كأنك عروس ! وحتى الغرفة اللي انا قاعدة فيها اول ماتدخلي بتشمي الريحة الجميلة  ، ريحته مش الفانيلا العسلي ! الريحة تكون فانيلا عودي وده الشي يعطيه فخامة وطابع أنثوي قوي !يعني مو كيكة بتكوني ! << حلو ريحة الكيك !! بس الريحة بتكون مايل للعود بس اخف  ومااعتقد انك تحتاجي للعطر بعدها ..وعلى فكرة يقال ان الفانيلا من الروائح المفضلة لدى الرجال --"

نجي للترطيب هو يسمى كريم اللمسة المخملية يعطي دبل نعومه  بس مااحس بالرطوبه !  يحتوي على زيوت طبيعية وهذا اللي شجعني على اخده منها زيت بذور الكركم ، زيت بذور الالبا ، زيت الزيتون ، زيت بذور الكشمش الاسود  وخلاصة زبدة الشيا .. السئ يحتوي على كحول وبعض المواد الكيميائية يعني مش مئة بالمئة طبيعي ومعطر ايضا .

لما تجي تشتري اطلبي من البائعة دبل تركيز وهي راح تضيف على الكريم زيت وتخلطه وبعدين تحفظيه بالثلاجة لمده ساعة وتستعمليه << دبل تركيز عشان تزيد  قوام الكريم وعشان تتركز الريحة اكثر .. 

الكريم يستخدم ايضا لغرض المساج بما انو يحتوي على الزيوت  بالاضافة الى عمله ككريم 

كمنتج طبيعي <<ماحسيت انه طبيعي مية بالمية  ، كمعطر للجسم ولمسه ناعمه ؟ جيد وممتاز يعني ثابت جدا جدا 

جربت الروزبيري وريحته جميله << تهورت لماا اخدته" لاني مااطيق ريحة الفواكه "  بس كان حلو ريحته ريحة نظافة يناسب للصيف جدا 

كااستخدام يومي < افضل مااستخدمه يوميا  لانه معطر يناسب استخدام الليل وليس النهار لان التعرض للشمس مع الاشياء المعطره قد يسبب سمار 

مناسب جدا للعروسات والمدلالات  والباحثات عن اللمسة المخملية 

يوجد منه مجموعة كاملة من لوشن الجسم  الي الديودرنت 

بصراحة العلب رائعة والتغليف رائع :@ << يجذب 

قوامه مو كريمي تحسي القوام "فرف" لكن تتشربه البشرة بسرعة ..

سعر الكريم / كان في عروض وشريت الاثنين ب ٢٧٠ ريال << جيد  يستاهل سعره 

اسم المحل / natural touch <<< تابع لمحلات نكتار 

جربوه << تجربة جميلة ..